ৰাজ্যখনত সুৰাপায়ী চালকৰ বিৰুদ্ধে অভিযান চলি থকাৰ মাজতে মহানগৰ আৰক্ষীয়ে দেওবাৰে নিশা সুৰা পান কৰি গাড়ী চলোৱা ৯৫জন লোকৰ অনুজ্ঞাপত্ৰ নিলম্বন কৰিছে।
আৰক্ষীয়ে জানিবলৈ দিয়ে যে এই ৯৫জন লোকক মহানগৰীৰ বিভিন্ন চেক পইন্টতসমূহত চিনাক্ত কৰা হৈছিল।
এই সকলোবোৰৰে অনুজ্ঞাপত্ৰসমূহ নিলম্বন কৰাৰ লগতে প্ৰত্যেককে ১০০০টকাকৈ জৰিমনা বিহা হয়।
ইয়াৰ উপৰি মহানগৰ আৰক্ষীয়ে সুৰাপায়ী চালকৰ বিৰুদ্ধে চলোৱা অভিযানত যোৱা এসপ্তাহত কমেও ২৯৫জন লোকক আটক কৰে।
Also Read: নগাঁৱত পৃথক অভিযানত মহিলাকে ধৰি ৯জন ড্ৰাগছ সৰবৰাহকাৰীক গ্ৰেপ্তাৰ আৰক্ষীৰ
উল্লেখ্য যে শুকুৰবাৰে যানবাহন আৰক্ষীয়ে কৈছিল যে নৱবৰ্ষত যাতে কোনো দুৰ্ঘটনা সংঘটিত নহয় সেয়া নিশ্চিত কৰিবলৈ আৰক্ষীয়ে মহানগৰীত সুৰাপায়ী চালকক নাকী লগাবলৈ কঠোৰ নিৰীক্ষণ ব্যৱস্থা গ্ৰহণ কৰিব।
যানবাহন আৰক্ষীয়ে কয় যে তেওঁলোকে বিশেষকৈ নৱবৰ্ষত মহানগৰীত দুৰ্ঘটনা প্ৰতিৰোধ কৰিবলৈ এক কৌশলগত পৰিকল্পনা লৈছে।
ৰাজ্যখনৰ মুখ্যমন্ত্ৰী হিমন্ত বিশ্ব শৰ্মাই নৱবৰ্ষ উদযাপনৰ সময়ছোৱাত যাতে কোনো দুৰ্ঘটনা সংঘটিত নহয় সেয়া নিশ্চিত কৰিবলৈ আৰক্ষী বিভাগক নিৰ্দেশ দিছে।
