চীনত সংহাৰী ৰূপ ধাৰণৰ পিছতে বিশ্বৰ বিভিন্ন দেশত আতংকৰ সৃষ্টি কৰা ক’ৰ’না ভাইৰাছৰ প্ৰৱেশ ঘটিছে ভাৰতত। প্ৰায় ১০ জন লোকৰ দেহত এই ভাইৰাছবিধৰ উপস্থিতি ধৰা পৰাত এতিয়া সাধাৰণ লোকৰ মাজত এক আতংকময় পৰিৱেশে বিৰাজ কৰিছে।
এই মহামাৰী ভাইৰাছবিধৰ পৰা ৰক্ষা পাবলৈ বিশ্বৰ বিভিন্ন স্বাস্থ্য সংস্থা সমূহে উপদেশ দিয়া কেতবোৰ নিৰ্দেশনা তথা নিয়ম সমূহ তলত উল্লেখ কৰা হ’ল।
১. যদি কোনো ব্যক্তিৰ কাঁহ, পানী লগা, জ্বৰ হোৱা বুলি জানিছে তেন্তে সেই ব্যক্তিজনৰ পৰা ০.৫ ৰ পৰা ২ মিটাৰ দূৰত্ব বজাই ৰাখিব। তদুপৰি বেমাৰী ব্যক্তিজনক মাস্ক পিন্ধিবলৈ কওক।
২. বহু সময়ত কাঁহিলে বা হাঁচিয়ালে তাৰ বিজানুবোৰ আশে-পাশে থকা বস্তুলৈ বিয়পিব পাৰে। মুখত হাত দি কাঁহিলে বা হাঁচি মাৰি মোবাইল, কম্পিউটাৰ মাউচ, কাপ বা অন্য তেনেধৰণৰ বস্তু চুৱে তেন্তে বিজানু বা ভাইৰাছবিধ তালৈ সংক্ৰমিত হ’ব পাৰে। এই বস্তুবোৰ চুলে হাত দুখন ভালকৈ নোধোৱাকে চকু বা নিজৰ শৰীৰ চুব নালাগে।
৩. এই ভাইৰাছবিধত আক্ৰান্ত ব্যক্তিয়ে যিসমূহ সামগ্ৰী ব্যৱহাৰ কৰে যেনে প্লেট, কাপ আদিত ৪৮ ঘণ্টালৈকে ক’ৰ’না ভাইৰাছ জীৱিত হৈ থাকে। চাবোন বা অন্য তেনেধৰণৰ সামগ্ৰীৰে ধুইহে ভাইৰাছবিধ নোহোৱা কৰিব পাৰি।
৪. যদি ক’ৰ’না ভাইৰাছত আক্ৰান্ত লোকক চুইছে তেন্তে দুয়োখন হাত ভালকৈ ধুব লাগে।
৫. এই ভাইৰাছ বিধৰ পৰা হাত সাৰিবলৈ আপুনি পিন্ধা মাস্কখন এদিনতকৈ বেছি নিপিন্ধিব। এদিনতকে বেছি পিন্ধিলে বেক্টেৰিয়া ভিতৰলৈও যাব পাৰে।
৬. যদি কোনো লোক ক’ৰ’নাত আক্ৰান্ত হোৱা বুলি সন্দেহ ভাৱ আহিছে তেন্তে সেই ব্যক্তিজনে ব্যৱহাৰ কৰা টাৱেল, খাদ্য, বাচন-বৰ্তন ব্যৱহাৰ নকৰিব।
৭. এই ভাইৰাছবিধ নাক, কাণ আৰু চকুৰ জৰিয়তেও সম্প্ৰসাৰিত হয়। সেয়ে যিকোনো বেমাৰী ব্যক্তিক লগ কৰাৰ পিছত নিজৰ শৰীৰৰ এই অংগ সমূহ হাত দুখন পৰিস্কাৰকৈ নোধোৱাকৈ স্পৰ্শ নকৰিব।
উল্লেখ্য যে যদিহে আপুনি বা আপোনাৰ ওচৰৰ কোনো লোক জ্বৰ, পানী লগা, কাঁহ, উশাহ-নিশাহ লোৱাত কষ্ট, ডিঙিৰ ভিতৰত বিষ আদি সমস্যাত ভুগে তেন্তে লগে লগে চকিৎসকৰ ওচৰত যাব বা যোৱাৰ পৰামৰ্শ দিব।
এটা কথা জানি থোৱা ভাল যে এই ৰোগবিধ এজন ব্যক্তিৰ পৰা আন এজন ব্যক্তিলৈ সংক্ৰমিত হয় সেয়ে এই ক্ষেত্ৰত অসাৱধানতা অৱলম্বন কৰা অনূচিত।
