গুৱাহাটীত বছৰি গড়ে ৯৬৮ টাকৈ পথ দুৰ্ঘটনাৰ ঘটনা সংঘটিত হয়। আকৌ গুৱাহাটীত সংঘটিত পথ দুৰ্ঘটনাত বছৰি গড়ে ২৬৩ জনকৈ আৰু মাহত ২১ জনকৈ লোকৰ মৃত্যু হয়। এই তথ্য কামৰূপ জিলা পৰিবহন প্ৰাধিকৰণৰ।
তথ্য মতে, গুৱাহাটীত দৈনিক গড়ে তিনিটাকৈ পথ দুৰ্ঘটনাৰ ঘটনা সংঘটিত হয়। যোৱা বছৰ ছেপ্টেম্বৰত কেন্দ্ৰীয় চৰকাৰে প্ৰণয়ন কৰা যান-বাহন সংশোধনী সম্পৰ্কীয় আইনখন কাৰ্যকৰী কৰাৰ সময়ত আশা কৰা হৈছিল যে গুৱাহাটীত ৰাজপথত পথ দুৰ্ঘটনাৰ সংখ্যা আৰু পথ দুৰ্ঘটনাত মানুহৰ মৃত্যুৰ সংখা হ্ৰাস পাব।
যানবাহন নিয়ন্ত্ৰণ কৰাৰ বাবে চৰকৰে কঠোৰ আইনখন প্ৰৱৰ্তন কৰৰ পিছতে গুৱাহাটীত দুঘৰ্টনাৰ ঘটনা হ্ৰাস হোৱাৰ পৰিৱৰ্তে বৰং বৃদ্ধিহে হৈছে। মনকৰিবলগীয়া যে আইনখন কাৰ্যকৰী হোৱাৰ পিছত যোৱা বছৰ ছেপ্টেম্বৰৰ পৰা গুৱাহাটীত যান-বাহন আৰক্ষী ব্যাপক তৎপৰতা দেখুৱাই তালাচী অভিযান চলাইছিল। যান-বাহনৰ প্ৰদূষণ পৰীক্ষা কৰা কেন্দ্ৰবোৰত যান-বাহনৰ বিশেষকৈ দুচকীয়া বাহনৰ প্ৰদূষণ পৰীক্ষা কৰাৰ বাবে হেতা-ওপৰা লগা দেখা গৈছিল।
কিন্তু সময় যোৱাৰ লগে লগে যান-বাহন আৰক্ষী আৰু জিলা পৰিবহন প্ৰাধিকৰণৰ দুৰ্বল ভুমিকা লোৱা দেখা যায়। যাৰ বাবে যান-বাহন নিয়ন্ত্ৰণ কৰাৰ বাবে প্ৰনয়ণ কৰা কঠোৰ আইনখনে গুৱাহাটীৰ পথ দুৰ্ঘটনাৰ সংখা আৰু পথ দুৰ্ঘটনা মৃত্যু হোৱা লোকৰ সংখ্যা হ্ৰাস কৰিব পৰা নাই।
আকৌ গুৱাহাটীত মাহিলি গড়ে ৮২ টাকৈ পথ দুৰ্ঘটনাৰ ঘটনা সংঘটিত হয়। যোৱা ২০১৭ চনৰ পৰা ২০১৯ চনলৈ গুৱাহাটীত ২৯৫৭ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ৭৯১ জন লোকৰ মৃত্যু হৈছে । তথ্য মতে, ২০১৭ চনত মুঠ ৯৭৭ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ২৮৪ জন লোকৰ মৃত্যু হৈছে। আকৌ ২০১৮ চনত মুঠ ১০৫১ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ২৫৮ জন লোকৰ মৃত্যু হৈছে। ২০১৯ চনত মুঠ ৯২৯ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ২৪৯ জন লোকৰ মৃত্যু হৈছে।
চৰকাৰী তথ্য মতে যোৱা বছৰ জানুৱাৰীত ৮৪ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ২০ জন মানুহৰ মৃত্যু হৈছে। ঠিক সেইদৰে ফেব্ৰুৱাৰিত ৬৪ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ২৭ জন মানুহৰ মৃত্যু হৈছে । মাৰ্চত ৯১ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ২৭ জন মানুহৰ মৃত্যু হৈছে । এপ্ৰিলত ৬১ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ১৮ জন মানুহৰ মৃত্যু হৈছে। মে’ ত ৭৮ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ২৭ জন মানুহৰ মৃত্যু হৈছে। জুনত ৬০ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ১৪ জন মানুহৰ মৃত্যু হৈছে। জুলাইত ৭৫ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ১৮ জন মানুহৰ মৃত্যু হৈছে। আগষ্টত ৭৭ টা পথ দুঘটনা সংঘটিত হোৱাৰ বিপৰীতে পথ দুৰ্ঘটনাত ১৯ জন মানুহৰ মৃত্যু হৈছে। ছেপ্টেম্বৰত ৭৫ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ২২ জন মানুহৰ মৃত্যু হৈছে। অক্টোবৰত ৭৯ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ১৯ জন মানুহৰ মৃত্যু হৈছে। নৱেম্বৰত ৯২ টা পথ দুঘৰ্টনা সংঘটিত হোৱাৰ বিপৰীতে পথ দুৰ্ঘটনাত ২৬ জন মানুহৰ মৃত্যু হৈছে। ডিচেম্বৰত ৮৬ টা পথ দুৰ্ঘটনা সংঘটিত হোৱাৰ বিপৰীতে পথ দুৰ্ঘটনাত ২৩ জন মানুহৰ মৃত্যু হৈছে।
ইয়াৰ পৰা দেখা যায় যে আইনখন গুৱাহাটীত কাৰ্যকৰী হোৱাৰ পিছতো পথ দুৰ্ঘটনাৰ সংখ্যা আৰু পথ দুৰ্ঘঘটনাত মানুহৰ মৃত্যু সংখ্যা হ্ৰাস পোৱা নাই বৰং পূৰ্বতকৈ বৃদ্ধিহে পাইছে।
