অসমত সোমবাৰৰ আবেলি চাৰি বজালৈকে ৩১৪টা লকডাউন উলংঘনৰ ঘটনা সংঘটিত হৈছে।
লকডাউন উলংঘনৰ ঘটনাক লৈ গোচৰ পঞ্জীয়ন হৈছে ২২৭টা।
লকডাউন উলংঘাৰ বাবে আৰক্ষীয়ে মুঠ ৪২৫ গৰাকী ব্যক্তিক গ্ৰেপ্তাৰ কৰিছে।
লকডাউনৰ সময়চোৱাত মুঠ ১৬৩৬খন বাহন জব্দ কৰা হৈছে। ইয়াৰ ভিতৰত আছে ১৪৬০ খন দুচকীয়া, চাৰিখন তিনিচকীয়া আৰু ১৭২খন চাৰিচকীয়া বাহন।
লকডাউনৰ সময়চোৱাত মুঠ ৫,৬৩,৫০০ টকাৰ জৰিমনা সংগ্ৰহ কৰা হৈছে।
প্ৰধান মন্ত্ৰী নৰেন্দ্ৰ মোদীয়ে মাৰাত্মক কৰ’নাভাইৰাছ প্ৰতিহত কৰাৰ বাবে ২১ দিনীয়া দেশজোৰা লকডাউন ঘোষণা কৰিছে।
ভাৰতীয় চিকিৎসা গৱেষণা পৰিষদৰ মতে দেশত কৰ’নাভাইৰাছ আক্ৰান্তৰ সংখ্যা দ্ৰুতগতিত বৃদ্ধি পাইছে যদিও ই এতিয়াও সামূহিক সংক্ৰমণৰ পৰ্য্যায় পোৱাগৈ নাই।
যোৱা ২৪ ঘণ্টাত দেশত নতুনকৈ ৯২ গৰাকী কৰ’নাভাইৰাছ আক্ৰান্ত চিনাক্ত হৈছে।
মণিপুৰ আৰু মিজোৰামত এগৰাকীকৈ ৰোগী চিনাক্ত হোৱাৰ পিছত অসমকে ধৰি উত্তৰ-পূবত কোনো নতুন ৰোগী চিনাক্ত হোৱা নাই।
দেশত কৰ’নাভাইৰাছ আক্ৰান্তৰ সংখ্যা ১০৭১লৈ বৃদ্ধি পাইছে। আক্ৰান্ত ২৯ গৰাকী লোক মৃত্যুমুখত পৰিছে।
স্বাস্থ্য আৰু পৰিয়াল কল্যাণ মন্ত্ৰ্যালয়ৰ তথ্য মতে কৰ’নাভাইৰাছত আক্ৰান্ত দেশৰ ১০০ গৰাকী ৰোগী সুস্থ হৈছে।
বিশ্বজুৰি সাত লাখতকৈয়ো অধিক লোক এই মাৰাত্মক ভাইৰাছবিধত আক্ৰান্ত হৈছে।
৩৩ হাজাৰতকৈয়ো অধিক লোকৰ এই ৰোগত মৃত্যু ঘটিছে।
