সম্প্ৰতি মহামাৰী ক’ৰ’না ভাইৰাছ ভাৰতবৰ্ষৰ অন্যান্য প্ৰান্তৰ লগতে অসমতো ব্যাপকভাৱে সংক্ৰমিত হৈছে।
অসম চৰকাৰে এই সংক্ৰমণ ৰোধ কৰিবৰ বাবে জনবহুল এলেকাসমূহ চেনিটাইৰাজ কৰাৰ ব্যৱস্থা গ্ৰহণ কিছে।
ল’কডাউন খোলাৰ লগে লগে শিক্ষানুষ্ঠানসমূহত ছাত্ৰ-ছাত্ৰী, শিক্ষক-কৰ্মচাৰীসকলৰ সু-স্বাস্থ্য অটুট ৰখাৰ স্বাৰ্থত যোৰহাট জিলাৰ চন্দ্ৰকমল বেজবৰুৱা মহাবিদ্যালয় টীয়ক, কাকজান মহাবিদ্যালয়, যোৰহাট উদ্যোগিক আৰু প্রযুক্তিবিদ্যা প্ৰতিষ্ঠান, ঘনকান্ত বৰুৱা মহাবিদ্যালয়,টীয়ক উচ্চতৰ মাধ্যমিক বালিকা বিদ্যালয়, ৰজাবাৰী উচ্চতৰ মাধ্যমিক বিদ্যালয়, বনাই উচ্চতৰ মাধ্যমিক বিদ্যালয়, চেলেংহাট উচ্চতৰ মাধ্যমিক বিদ্যালয়, লাহিং উচ্চতৰ মাধ্যমিক বিদ্যালয়, কাকজান উচ্চতৰ মাধ্যমিক বিদ্যালয়ৰ লগতে বৃহত্তৰ টীয়ক অঞ্চলৰ সমূহ চৰকাৰী-বেচৰকাৰী বিদ্যালয়-মহাবিদ্যালয়ত চেনিটাইৰাজ ব্যৱস্থাৰে সামৰি লবলৈ আৰু ল’কডাউনৰ সময়ত বৃহত্তৰ টীয়ক অঞ্চলত চলি থকা অবাধ হাৰত মদ, ভাং আৰু জুৱাৰ আড্ডা উচ্ছেদৰ দাবী জনাইছে সদৌ অসম ছাত্ৰ সন্থাৰ যোৰহাট জিলা আৰু বিভিন্ন আনচলিক সমিতিয়ে l
মঙলবাৰে উল্লেখিত বিষয় সন্দৰ্ভত ছাত্ৰ সন্থাই এখনি স্মাৰকপত্ৰ টীয়ক ৰাজহ চক্ৰ বিষয়া আকাশী দুৱৰাৰ যোগেদি জিলা উপায়ুক্তলৈ প্ৰেৰণ কৰিছে l
টীয়ক আছুৰ সভাপতি আৰু সম্পাদক ক্ৰমে ৰণ্টু ভূঞা, প্ৰীতমজ্যোতি শইকীয়া, শিমলুগুৰি মৌজা আছুৰ সভাপতি সম্পাদক দেৱব্ৰত শইকীয়া, কংকুল বৰুৱা, কাকজান আছুৰ সভাপতি সম্পাদক সংকল্প গগৈ, চম্পক দত্ত, লাহিং আছুৰ সভাপতি সম্পাদক পলাশ বৰুৱা, মিন্টু গগৈ, চেলেং আছুৰ সভাপতি সম্পাদক সুবিৰাজ নেওগ, মুকুন্দ মাধৱ চুতীয়াৰ স্বাক্ষৰিত এখনি স্মাৰকপত্ৰ সদৌ যোৰহাট জিলা ছাত্ৰ সন্থাৰ সাধাৰণ সম্পাদক জিতু নেওগ, সাংগঠনিক সম্পাদক নয়নজ্যোতি নেওগৰ উপস্থিতিত ৰাজহ চক্ৰ বিষয়া আকাশী দুৱৰাক প্ৰদান কৰে বুলি ছাত্ৰ সংগঠন টোৱে সংবাদ মাধ্যমক জানিবলৈ দিছে ।
