ৰঙালী বিহু অসমৰ সমাজৰ বাবে জীৱনৰেখাসদৃশ। কিন্তু এইবাৰ কৰ’নাভাইৰাছৰ আতংকৰ বাবে বিহু উদযাপন বাতিল কৰিব লগা হৈছে।
এনে সময়তে আৰ্থ—আৰ্ট ফৰ হিউমেনিটি নামৰ দিল্লীৰ বেচৰকাৰী সংস্থা এটাই এইবাৰ ইনষ্টাগ্ৰামতে বিহু উদযাপনৰ ব্যৱস্থা কৰিছে।
আন এটা সংস্থা ষ্ট’ৰিৱিভাৰ্ছেও এই আয়োজনলৈ সমৰ্থন আগবঢ়াইছে।
মাধুৰিমা চৌধুৰী, তনভি শৰ্মা, মৃদুস্মিতা দাস বৰা, ভৃগু কাশ্যপ, ৰিতৃশা শৰ্মা, অনন্যা কাশ্যপ, সুকন্যা বৰুৱা আৰু নীলাক্ষী নেওগ আদি বহু তাৰকা শিল্পীয়ে এই প্ৰচেষ্টালৈ সঁহাৰি আগবঢ়াইছে।
#BihuSocial নামৰ এইধৰণৰ প্ৰথম অনুষ্ঠানটোৱে বিহু গীত, বিহু নাচ, ঢোলবাদন, বিহু কুঁৱৰী আৰু জনপ্ৰিয় শিল্পীসকলকৰ গীত আদি দৰ্শকলৈ আগবঢ়াব।
আৰ্থৰ ইনষ্টাগ্ৰাম পেজত বিহুৰ এই উদযাপন অনুষ্ঠিত হ’ব। আৰ্থে কৰ’নাভাইৰাছৰ বিৰুদ্ধে সাৱধানতাৰ অংশৰূপে সকলোকে ঘৰতে থাকিবলৈ আহ্বান জনাইছে।
২০১৮ চনৰ জানুৱাৰিত ৰিতিজ কাশ্যপ আৰু ইৰফান খানে আৰ্থ—আৰ্ট ফৰ হিউমেনিটি আৰম্ভ কৰিছিল।
প্ৰীতীষা বৰঠাকুৰ আৰু ঋষি পাওলাই ২০১৯ চনত ষ্ট’ৰিৱিভাৰ্ছ প্ৰতিষ্ঠা কৰিছিল।
