আৰক্ষীৰ ঘোষণা : সাৰ্বজনিক স্থানত থু পেলালে প্ৰদান কৰা হ’ব শাস্তি

চীনৰ য়ুহান চহৰৰ পৰা আৰম্ভ হোৱা ক’ৰ’না ভাইৰাছে বৰ্তমান সমগ্ৰ বিশ্বতে আতংকৰ সৃষ্টি কৰিছে। ভাৰততো এইবিধ ভাইৰাছে সৃষ্টি কৰিছে আতংকৰ।

দেশৰ প্ৰায়বোৰ ৰাজ্যৰে লোক ক’ৰ’নাত আক্ৰান্ত। ইয়াৰ প্ৰকোপৰ পৰা বাচি যাব পৰা নাই তেলেংগানাও। ৰাজ্যখনত বৃহস্পতিবাৰে নতুনকৈ ১৮ গৰাকী লোক ক’ৰ’নাত আক্ৰান্ত হোৱৰ বিপৰীতে এজন মৃত্যুমুখত পৰে।

ক’ৰ’নাৰ ভয়াবহতাৰ প্ৰতি লক্ষ্য ৰাখি তেলেংগানাৰ মুখ্য চহৰ হাইদৰাবাদৰ ৰাজহুৱা স্থানত থু পেলোৱাত নিষেধাজ্ঞা জাৰি কৰিছে।

হাইদৰাবাদৰ আৰক্ষী আয়ুক্ত আই পি এছ অঞ্জনি কুমাৰে টুইটযোগে কয়, ‍‘সংক্ৰমক ৰোগ কোভিদ-১৯ৰ প্ৰতি লক্ষ্য ৰাখি সাৰ্বজনিক স্থানত থু পেলোৱাত নিষেধাজ্ঞা জাৰি কৰা হৈছে। যদি কোনো লোকে এই আদেশ উলংঘন কৰে তেন্তে ভাৰতীয় দণ্ডবিধিৰ ১৮৮ আৰু ২৬৯ ধাৰাৰ অধীনত শাস্তি বিহা হ’ব’।

Govt has banned spitting at public places in view of infectious disease Covid 19. If any body violates this order he is liable to be punished u/s 188 IPC and 269 IPC (Cognizable offence). Nature of evidence is photography, video graphy, cc tv footage or eye witness.

— Anjani Kumar, IPS (@CPHydCity) April 9, 2020

উল্লেখ্য যে তেলেংগানাত এই পৰ্যন্ত ৪৭১ গৰাকী লোক ক’ৰ’নাত আক্ৰান্ত হৈছে আৰু মৃত্যুমুখত পৰিছে ১২ জন লোক।

ৰাজ্যখনত বৰ্তমান ৪১৪ গৰাকী ক’ৰ’নাত আক্ৰান্ত ৰোগীৰ চিকিৎসা চলি আছে।