ক’ৰ’না ভাইৰাছ প্ৰতিৰোধৰ বাবে দেশত চলি থকা ল’কডাউন অব্যাহত থকাৰ সময়তে এখন ৰাজ্য চৰকাৰৰ এজন মন্ত্ৰীয়ে চূড়ান্ততম দায়িত্বহীনতাৰ পৰিচয় দিছে।
মন্ত্ৰীজনে ল’কডাউন উলংঘা কৰি নিজৰ বৃহৎ কনভয়টো লৈ ২৫০ কিলোমিটাৰ অতিক্ৰম কৰি এজন সাধু সাক্ষাৎ কৰিছে।
মন্ত্ৰীজন হৈছে ছত্তিশগড় ৰাজ্য চৰকাৰৰ আৱকাৰী মন্ত্ৰী কাৱাশি লাখ্মা।
ঘটনা বিৱৰণী মতে ছত্তিশগড়ৰৰ আৱকাৰী মন্ত্ৰী লাখ্মাই নিজৰ বৃহৎ কনভয়টো লৈ যোৱা শনিবাৰে ৰাজধানী ৰায়পুৰৰ পৰা ২৫০ কিলোমিটাৰ অতিক্ৰম কৰি ৰাজগড় জিলাত থকা এজন সন্তক সাক্ষাৎ কৰে।
এই সন্দৰ্ভত শনিবাৰে মন্ত্ৰীগৰাকীয়ে সাংবাদিকৰ আগত কয়, “এইটো এটা গুপনীয় খবৰ মোৰলৈ আহিছিল,.. ক’ৰ’না আছে,.. সেই কাৰণে মই কাৰ্যকৰ্তা কোনো মিটিং কৰা নাই,… মাত্ৰ সময় পাৰ কৰিবলৈ… মই ৰাতি ৰাতি এক ধৰ্মস্থলত আছো… বাবাক দৰ্শন কৰি ঘূৰি যাবলৈ আহিছো।’’
এনেদৰে চূড়ান্ত দায়িত্বহীনতাৰ পৰিচয় দিয়াই নহয় অতি তৰল মন্তব্য কৰে মন্ত্ৰী গৰাকীয়ে।
আনহাতে দেওবাৰে বিষয়টোক লৈ বিভিন্ন মহলে প্ৰতিক্ৰিয়া প্ৰকাশ কৰাত মন্ত্ৰী গৰাকীয়ে নিজৰ পূৰ্বৰ ভাষ্য সলনি কৰি ৰবিবাৰে সাংবাদিকক কয়, “মই ৰাজ্যখনৰ আৱকাৰী মন্ত্ৰী আৰু ৰাজগড় জিলাখন মোৰ মাহাচামুণ্ডৰ চুবুৰীয়া জিলা। মই খবৰ লাভ কৰো যে ৰাজগড় জিলাত অবৈধভাৱে পানীয় বিক্ৰী কৰি থকা হৈছে আৰু সেয়ে মই তৎকালীনভাৱে স্বজমিন তদন্তৰ কাৰণে গৈছিলো। তাৰ সমীপতে মহাত্মা সন্তগৰাকী থাকে বাবে তেওঁক লগ কৰিব খুজিছিলো যদিও বাবাই ক’ৰ’না প্ৰতিৰোধৰ বাবে দেশত অব্যাহত থকা ল’কডাউনৰ কাৰণে সাক্ষাৎ কৰাৰ অনুমতি নিদিলে। মিডিয়াই ভুল বাতৰি প্ৰচাৰ কৰি আছে।”
