অসম আৰোগ্য নিধিলৈ মুক্ত হস্তে দান-বৰঙণি আগবঢ়োৱা ব্যক্তিসকললৈ আন্তৰিক কৃতজ্ঞতা জ্ঞাপন কৰিছে স্বাস্থ্য মন্ত্ৰী হিমন্ত বিশ্ব শৰ্মাই।
ছচিয়েল মিডিয়াৰ জৰিয়তে মন্ত্ৰী গৰাকীয়ে অসম আৰোগ্য নিধিলৈ অহা শেহতীয়া দান বৰঙণিৰ তথ্য দাঙি ধৰি বৰঙণি আগবঢ়োৱা সকলো ব্যক্তিকে ধন্যবাদ জ্ঞাপন কৰে।
নিজৰ টুইটাৰ আৰু ফেচবুকৰ জৰিয়তে তেওঁ প্ৰকাশ কৰে যে অসম আৰোগ্য নিধিলৈ বৰ্তমান ১০০.৫০কোটি টকাৰ বৰঙণি আহিছে। মুঠ ৪৬হাজাৰ ৪৭০গৰাকী ব্যক্তিয়ে এই বৰঙণি আগবঢ়াইছে।
মন্ত্ৰীগৰাকীয়ে ইয়াক এক অনবদ্য শতক বুলি অভিহিত কৰি সকলোকে কৃতজ্ঞতা জ্ঞাপন কৰাৰ লগতে ৰাজ্যিক কৰ্মচাৰীসকলে এদিনৰ দৰমহা আগবঢ়োৱাৰ ফলত দ্ৰুতগতিত ইমানখিন ধন সংগ্ৰহ হোৱা বুলিও ব্যক্ত কৰে।
তেওঁ লিখিছে: ‘’এয়া এক অনবদ্য শতক। অসম আৰোগ্য নিধিলৈ অহা বৰঙণিৰ পৰিমান ১০০.৫০ কোটি টকা হ’লগৈ ৷ এইদৰে মুক্তহস্তে বৰঙণি আগবঢ়োৱা ৪৬ হাজাৰ ৪৭০ গৰাকী ব্যক্তিলৈ আন্তৰিক কৃতজ্ঞতা জ্ঞাপন কৰিলোঁ ৷ ৰাজ্যিক কৰ্মচাৰীসকলে এদিনৰ দৰমহা নিধিলৈ আগবঢ়োৱাৰ ফলত দ্ৰুত গতিত ইমানখিনি ধন সংগ্ৰহ সম্ভৱপৰ হৈ উঠিল ৷ সকলোকে পুণৰবাৰ ধন্যবাদ জ্ঞাপন কৰিলোঁ ৷’’
This Century is Like No Other 👍
I join millions in extending our gratefulness to 46470 people whose generous donations helped us reach Rs 100.50 crores in Assam Arogya Nidhi. The 1-day salary contribution of state Govt employees made this happen faster.
God bless you all. pic.twitter.com/TH9cAmXHSY
— Himanta Biswa Sarma (@himantabiswa) April 20, 2020
অসম আৰোগ্য নিধিলৈ বিভিন্ন ব্যক্তি, অনুষ্ঠানৰ বৰঙণি অব্যাহত আছে।
উল্লেখযোগ্য যে কৰ’নাভাইৰাছৰ বিৰুদ্ধে যুঁজাৰ বাবে স্বাস্থ্য মন্ত্ৰী হিমন্ত বিশ্ব শৰ্মাই অসম আৰোগ্য নিধিলৈ দান-বৰঙনি আহ্বান কৰিছিল।
২৬ মাৰ্চৰ পৰা আৰম্ভ কৰি জনপ্ৰতিনিধি,ব্যৱসায়ী, চৰকাৰী, বেচৰকাৰী চাকৰিয়ালৰ পৰা আৰম্ভ কৰি কণমানি ল’ৰা-ছোৱালীলৈকে বিভিন্নজনে সাধ্য অনুসৰি নিধিলৈ বৰঙণি আগবঢ়াই আহিছে।
আয়কৰ আইন, ১৯৬১ৰ ৮০জি (১)ৰ অধীনত এই ন্যাসলৈ সকলো দান-বৰঙণিত ১০০ শতাংশ ৰেহাই প্ৰযোজ্য।
