মহাৰাষ্ট্ৰ আৰক্ষী শনিবাৰে জনোৱা মতে এই পৰ্যন্ত ৰাজ্যখনত ৭১৪ গৰাকী আৰক্ষী বিষয়া-কৰ্মচাৰী কোভিড-১৯ত আক্ৰান্ত হৈছে।
প্ৰাপ্ত তথ্য মতে মহাৰাষ্ট্ৰৰ ৬৪৮ গৰাকী আৰক্ষীৰ লোক বৰ্তমান চিকিৎসাধীন হৈ থকাৰ বিপৰীতে ৬১ গৰাকী সুস্থ হৈ উঠিছে।
আনহাতে কোভিড-১৯ত আক্ৰান্ত হৈ এতিয়ালৈকে ৰাজ্যখনৰ ৫ গৰাকী আৰক্ষীৰ লোকে প্ৰাণ হেৰুৱায়।
উল্লেখযোগ্য যে মহাৰাষ্ট্ৰত এই পৰ্যন্ত ১৯০৬৩টা কোভিড-১৯ পজিটিভ কেছ ধৰা পৰিছে, ইয়াৰে ৭৩১ গৰাকীৰ মৃত্যু হোৱাৰ বিপৰীতে ৩৪৭০ গৰাকী সুস্থ হৈ উঠিছে। কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰ্যালয়ৰ সূত্ৰত প্ৰকাশ।
ইপিনে শনিবাৰৰ লৈকে ভাৰতত ৫৯৬৬২ গৰাকী লোক ক’ৰ’নাত আক্ৰান্ত হৈছে ইয়াৰে ১৯৮১ গৰাকীৰ মৃত্যু হোৱাৰ বিপৰীতে ৩৯৮৩৪ গৰাকী চিকিৎসাধীন হৈ আছে।
John Hopkins বিশ্ববিদ্যালয়ৰ হিচাপ মতে বৰ্তমানলৈকে মাৰ্কিন যুক্তৰাষ্ট্ৰ কোভিড-১৯ৰ দ্বাৰা আটাইতকৈ বেয়াকৈ ক্ষতিগ্ৰস্ত হৈছে। দেশখনত ৭৭,১৮০ গৰাকী ক’ৰ’নাত আক্ৰান্ত লোকৰ মৃত্যু হয়।
আমেৰিকাৰ পিছতে ইটালী আৰু স্পেইনত সৰ্বাধিক লোকৰ মৃত্যু হৈছে। ইটালীত ৩০২০১ গৰাকীৰ লোকৰ মৃত্যু হোৱাৰ বিপৰীতে স্পেইনত মৃত্যু হৈছে ২৬২৩৩ গৰাকী ব্যক্তিৰ।
দেশ তিনিখনত এই পৰ্যন্ত কোভিড-১৯ত আক্ৰান্ত হোৱা লোকৰ সংখ্যা ক্ৰমে – আমেৰিকাত ১,২৮৩,৯২৯, ইটালীত ২১৭১৮৫ আৰু স্পেইনত ২২২৮৫৭।
