ল’কডাউনৰ সময়তে নগাঁৱৰ বৰবজাৰত আৰক্ষী আৰু দুৰ্বৃত্তৰ মাজত গুলীচালনাৰ ঘটনা সংঘটিত হৈছে।
এই গুলীয়াগুলীত আৰজুল আলী নামৰ এজন ড্ৰাগছ মাফিয়া আহত হৈছে বুলি জানিব পৰা গৈছে।
আহত আৰজুল আলীৰ বিৰুদ্ধে কৰ্তব্যৰত আৰক্ষীক আক্ৰমণৰ অভিযোগ উত্থাপিত হৈছে।
আনকি আৰজুল আলীয়ে কৰ্তব্যৰত আৰক্ষী জোৱানৰ পিষ্টল কাঢ়ি নিবলৈ চেষ্টা কৰাৰ লগতে হাতত কামোৰাৰ গুৰুতৰ অভিযোগ উত্থাপিত হৈছে।
এই খণ্ডযুদ্ধৰ সময়ত আৰক্ষীৰ পিষ্টল কাঢ়ি নিয়াৰ চেষ্টা চলোৱাৰ সময়তে গুলীচালনাৰ ঘটনা সংঘটিত হয় বুলি জানিব পৰা গৈছে।
অভিযুক্ত ড্ৰাগছ মাফিয়া আৰজুলক এতিয়া নগাঁও ভোগেশ্বৰী ফুকননী অসামৰিক চিকিৎসালয়ত চিকিৎসাৰ বাবে ভৰ্তি কৰোৱা হৈছে।
ল’কডাউনৰ মাজতে নগাঁৱৰ বৰবজাৰত জনসাধাৰণৰ ভিৰ দেখা পাই পৰিস্থিতি নিয়ন্ত্ৰণৰ বাবে সদৰ আৰক্ষীৰ এটা দল উপস্থিত হোৱাৰ সময়তে এই ঘটনাৰ সুত্ৰপাত ঘটে ।
এই সমগ্ৰ ঘটনাৰ পাছতে বজাৰত উপস্থিত একাংশ জনতা আৰু আৰক্ষীৰ মাজত হতা-হতিৰ দৰে পৰিস্থিতিৰ সৃষ্টি হৈছে বুলি খবৰ লাভ কৰা হৈছে।
ঘটনাস্থলীত ইতিমধ্যে উচ্চ পদস্ত আৰক্ষী বিষয়া উপস্থিত হৈ তদন্ত আৰম্ভ কৰিছে।
