ৰাষ্ট্ৰীয় ব্যনপ্ৰাণী ব’ৰ্ডে(NBWL) দিহিং পাটকাই অভয়াৰণ্যৰ অন্তৰ্গত হস্তীৰ বাবে সংৰক্ষিত বনাঞ্চলৰ ৯৮.৫৯ হেক্টৰ্ছৰ ভূমিত ক’ল ইণ্ডিয়া লিমিটেডৰ কয়লা খননৰ বাবে দিয়া প্ৰস্তাৱক ইতিমধ্যে সেউজ সংকেট প্ৰদান কৰিছে।
পূৱৰ অমাজান খ্যাত দিহিং পাটকাইৰ বনাঞ্চলত কয়লা খননৰ প্ৰস্তাৱক ৰাষ্ট্ৰীয় বন্যপ্ৰাণী ব’ৰ্ডে ক’ল ইণ্ডিয়াক কয়লা খননৰ বাবে সেউজ সংকেট প্ৰাদন কৰাৰ বিৰুদ্ধে সৰৱ হৈছে গুৱাহাটী আৰু কটন বিশ্ববিদ্যালয়ৰ শিক্ষাৰ্থীসকল।
ইতিমধ্যে গুৱাহাটী বিশ্ববিদ্যালয়ৰ শিক্ষাৰ্থীসকলে দিহিং পাটকাইত কয়লা খনন বন্ধ কৰিবলৈ এক অনলাইন প্ৰচাৰ আৰম্ভ কৰিছে।
শিক্ষানুষ্ঠানখনৰ ইক’ ক্লাৱে চ’ছিয়েল মিডিয়াৰ যোগে সজাগতা বৃদ্ধিৰে এই প্ৰচাৰক এক আন্দোনলনৈ উত্তৰণ কৰাত গুৰুত্ব প্ৰদান কৰিছে।
‘অসমৰ দিহিং পাটকাই বনাঞ্চলত চলি থকা কয়লা খনন কাৰ্যই এই বৰ্ষাৰণ্যখনক ধ্বংসৰ গৰাহলৈ ঠেলি দিছে। শেহতীয়াকৈ NBWL য়ে চালেকিৰ হাতীৰ সংৰক্ষিত অঞ্চলত ৯৮.৫৯ হেক্টৰ মাটিত কয়লা খননৰ বাবে প্ৰদান কৰা অনুমোদনে, দিহিং পাটকাই বনাঞ্চলক সম্পূৰ্ণ নিঃশেষ কৰি পেলাব। এয়াই শেষ সময় দিহিং পাটকাইত কয়লা খনন বন্ধ কৰি অসমৰ প্ৰাকৃতিক সম্পদসমূহ সুৰক্ষিত কৰাৰ।’ গুৱাহাটী বিশ্ববিদ্যালয়ৰ স্নাতকোত্তৰ ছাত্ৰ সন্থা(PGSU)ই এক বিবৃতিত এইদৰে কয়।
We urge @PrakashJavdekar @PMOIndia @sarbanandsonwal @himantabiswa to stop any current and future coal mining project in Saleki and the whole Dehing Patkai Elephant reserve as the resulting ecological disbalance will affect the country for a long time to come#SaveDehingPatkai pic.twitter.com/dmGCG4F5rl
— Nabankur Saikia (@NabankurSaikia) May 14, 2020
নিজৰ চ’ছিয়েল মিডিয়াৰ একাউন্টত #SaveDehingPatkai প’ষ্ট কৰি একত্ৰিতভাৱে দিহিং পাটকাইৰ বনাঞ্চলক ৰক্ষা কৰিবলৈ PGSUএ আহ্বান জনাইছে একেটা বিবৃতিতে।
And indeed, this is the time to decide what is more important! @PrakashJavdekar , @ParimalSuklaba1@sarbanandsonwal , please#SaveDehingPatkai. #nbwl should rethink on their permit to @CoalIndiaHQ pic.twitter.com/BYnnJLoqVY
— Bishal Kalita (@BishalKalita9) May 13, 2020
ইফালে কটন বিশ্ববিদ্যালয়ৰ ‘কটনিয়ান জাগৰণ মঞ্চ’ই অসমৰ মুখ্যমন্ত্ৰী সৰ্বানন্দ সোণোৱাললৈ এখন স্মৰকপত্ৰ প্ৰেৰণেৰে দিহিং পাটকাই বনাঞ্চলত কয়লা খননৰ বিৰোধিতা কৰিছে।
Cottonian Jagran Mancha submitted a memorandum opposing coal mining at Dihing Patkai Sanctuary to the CM @sarbanandsonwal,@CMOfficeAssam today. We as the citizens of Assam and students of Cotton University refuse to accept the proposal. #stopcoalmine#savedehingpatkai pic.twitter.com/CEG014rtAu
— Hrishikesh Medhi (@HrishikeshMedh7) May 16, 2020
‘যি সময়ত পৰিৱেশ সচেতনতা বিষয়টো সমগ্ৰ বিশ্বত গুৰুত্বপূৰ্ণ বিষয়লৈ পৰিণত হৈছে এনে সময়ত অসমৰ এখন অতি গুৰুত্বপূৰ্ণ আৰু সুন্দৰ অভয়াৰণ্যক ক্ষতি কৰিব পৰা কয়লা খননৰ দৰে কাৰ্যক আমি কটন ছাত্ৰ সমাজে বিৰোধিতা কৰিছো।’ স্মাৰক পত্ৰত এইদৰে উল্লেখ কৰিছে কটনিয়ান জাগৰণ মঞ্চে।
মুখ্যমন্ত্ৰীক এই কাৰ্যৰ পুনৰ বিবেচনাৰ বাবেও কটনৰ শিক্ষাৰ্থীসকলে অনুৰোধ জনাইছে।
দুয়োখন উচ্চ শিক্ষানুষ্ঠানৰ শিক্ষাৰ্থীসকলে ইতিমধ্যে টুইটাৰ লগতে চ’ছিয়েল মিডিয়াৰ বিভিন্ন ক্ষেত্ৰত প্ৰচাৰ আৰম্ভ কৰিছে।
উল্লেখ্য যে, ৯৮.৫৯ হেক্টৰ্ছ ভূমিত কয়লা খননে গোটেই দিহিং পাটকাই বৰ্ষাৰণ্যকে ধ্বংস কৰিব।
