ছত্তিশগড়ৰ এখন সংৰক্ষিত বনাঞ্চলত দেখা পোৱা গ’ল এটা বিলুপ্তপ্ৰায় ঘোং।
ৰাজ্যখনৰ বিলাসপুৰ জিলাৰ আচনাকমাৰ ব্যাঘ্ৰ সংৰক্ষিত বনাঞ্চলত সুদীৰ্ঘ সাত বছৰ পিছত বনৰক্ষীয়ে দেখা পাই এই বিলুপ্তপ্ৰায় অতি হিংস্ৰ জন্তুবিধ।
‘সাত বছৰৰ পিছত প্ৰথমবাৰ ঘোং এটা দেখা পালো। অৱশ্যে নিৰাপত্তা তথা সুৰক্ষাৰ কাৰণত আমি কোন ঠাইত দেখা পাইছো সেয়া প্ৰকাশ কৰিব নোৱাৰো।’ আচনাকমাৰ ব্যাঘ্ৰ বনাঞ্চলৰ উপ সঞ্চালক বিজয় ৰাট্ৰেই এইদৰে কয়।
ইয়াৰ পূৰ্বে এই বিলুপ্ত প্ৰায় ঘোং বিধ ছত্তিশগড়ৰ অন্য এখন ব্যাঘ্ৰ বনাঞ্চলত দেখা গৈছিল।
ৰাজ্যখনৰ গৰিয়াবাণ্ড জিলাৰ উদন্তি-সীতানদী ব্যাঘ্ৰ বনাঞ্চলত এই ঘোং বিধক দেখা গৈছিল।
ৰাজ্যখনৰ কেইবাখনো বনাঞ্চল তথা অভয়াৰণ্যত এই বিলুপ্তপ্ৰায় ঘোং বিধ আছে বুলি বন বিভাগে দাবী কৰিছে।
উল্লেখ্য যে, বন বিভাগৰ মতে কাবিনী বন্যপ্ৰাণী অভয়াৰণ্য, ডেন্দালি বন্যপ্ৰাণী অভয়াৰণ্য, ভাদ্ৰা বন্যপ্ৰাণী অভয়াৰণ্য আৰু সাৰাৱৰ্থীল বন্যপ্ৰাণী অভয়াৰণ্যই হৈছে এই বিলুপ্তপ্ৰায় ঘোং বিধৰ আৱাসভূমি।
