আৰু আঠগৰাকী লোক শুকুৰবাৰে অসমত ক’ভিড-১৯ পজিটিভ চিনাক্ত হৈছে; মুঠ আক্ৰান্তৰ সংখ্যা ২৩০লৈ বৃদ্ধি পাইছে।
নতুনকৈ চিনাক্ত আটাইকেইগৰাকী ক’ভিড-১৯ আক্ৰান্তই কুৱাৰেণ্টিন হৈ আছে।
এগৰাকী গুৱাহাটীৰ মহেন্দ্ৰ মোহন চৌধুৰী হস্পিটেল, এগৰাকী শিলচৰ চিকিৎসা মহাবিদ্যালয় আৰু হস্পিটেল আৰু বাকীকেইগৰাকী কাছাৰৰ কুৱাৰেণ্টিন কেন্দ্ৰত আছে।
স্বাস্থ্য মন্ত্ৰী হিমন্ত বিশ্ব শৰ্মাই টুইটাৰত এই তথ্য প্ৰকাশ কৰিছে।
ইয়াকে লৈ শুকুৰবাৰৰ দিনটোত এইপৰ্য্যন্ত অসমত ২০ গৰাকী লোকক ক’ভিড-১৯ পজিটিভ পোৱা গৈছে।
?Alert ~ Eight cases of #COVID19 confirmed, as per details below
↗️1 patient who is at MMCH under quarantine
↗️1 patient of SMCH
↗️6 persons in Cachar with travel history; all in quarantine.Total count 230; active cases are at 169.
Update 6.20 pm / May 22#AssamCovidCount pic.twitter.com/QOSBaMLyjh
— Himanta Biswa Sarma (@himantabiswa) May 22, 2020
বৰ্তমান ১৬৯ গৰাকী লোক এই কৰনা ভাইৰাছত আক্ৰান্ত হৈ চিকিৎসাধীন হৈ আছে তাৰ বিপৰীতে ৫৪ জনক চিকিৎসালয়ৰ পৰা মুক্তি দিয়া হৈছে ৷
এতিয়ালৈ চাৰিগৰাকী মৃত্যু মুখত পৰিছে ৷
কিছু সময় পূৰ্বে তেজপুৰ কুৱাৰেন্টাইন চেণ্টাৰত ছয়গৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছে।
তাৰ কিছুসময় পূৰ্বে শিলচৰ কুৱাৰেন্টাইন চেণ্টাৰত দুগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। লোকদুজন ক্ৰমে কাছাৰ আৰু হাইলাকান্দিৰ ।
তাৰ ঠিক কিছু সময় পূৰ্বে শিৱসাগৰ জিলাত দুগৰাকী আৰু তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰত ধৰা পৰিছিল দুটা কেচ। তাত আক্ৰান্ত কেইগৰাকীৰ এগৰাকী ঢকুৱাখনা আৰু এগৰাকী ওদালগুৰিৰ।
কালিৰ দিনটোতে ২২ গৰাকীকৈ লোক আক্ৰান্ত হৈছে কোভিড-১৯ ত।
কালি নিশা তেজপুৰ বিশ্ববিদ্যালয়ৰ কুৱাৰেন্টাইন চেণ্টাৰৰ সাতগৰাকী লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল। আক্ৰান্ত সকলৰ ৫ গৰাকী শোণিতপুৰ জিলাৰ আৰু দুগৰাকী লখিমপুৰ জিলাৰ।
ৰাজ্যত চাৰি দিনৰ ভিতৰত শতাধিক লোক কোভিড-১৯ ত আক্ৰান্ত হৈছে।
পৰহি দিনটোত ৩১ গৰাকীকৈ লোক এই কোভিড-১৯ ভাইৰাছৰ সংক্ৰমণ হৈছে।
যোৱা ১৯ মে ত ৪২ গৰাকীকৈ লোকৰ দেহত এই মাৰাত্মক ভাইৰাছৰ উপস্থিতি পোৱা গৈছিল।
উল্লেখযোগ্য যে, যোৱা ১৩ মে’ ৰ পৰা আজিলৈকে মুঠ ১৭৯ গৰাকী লোক আক্ৰান্ত হৈছে এই মাৰাত্মক কোভিড-১৯ত।
