আজি ঘোষণা কৰা উচ্চতৰ মাধ্যমিক চূড়ান্ত পৰীক্ষাৰ ফলাফলত কলা শাখাত ভাৰ্গৱ ফুকনে ৰাজ্যৰ ভিতৰত ষষ্ঠ স্থান লাভ কৰি বোকাখাতলৈ গৌৰৱ কঢ়িয়াই আনিছে।
বোকাখাতৰ লাখুটিখুন্দাৰ নিত্যানন্দ ফুকন আৰু মনিমালা ফুকনৰ পুত্ৰ ভাৰ্গৱ ফুকনে যোৰহাটৰ ক্ৰিচেন্ট একাডেমিৰ পৰা গোটেই কেইটা বিষয়ত লেটাৰসহ মুঠ ৪৭০ নম্বৰেৰে ষষ্ঠ স্থান দখল কৰে।
বোকাখাতৰ খ্ৰীষ্টজ্যোতি স্কুলৰ পৰা হাইস্কুল শিক্ষান্ত পৰীক্ষাত উত্তীৰ্ণ হৈ যোৰহাটৰ ক্ৰিচেন্ট একাডেমিৰ পৰা উচ্চতৰ মাধ্যমিক শিক্ষান্ত পৰীক্ষাত এই সাফল্য অৰ্জন কৰে ভাৰ্গৱে।
ভৰ্গৱ ফুকনে ইংৰাজী, উচ্চ ইংৰাজী, ৰাজনীতি বিজ্ঞান, বুৰঞ্জী, অৰ্থনীতি আৰু ভুগোল বিষয়ত লেটাৰ সহ মুঠ ৪৭০ নম্বৰ লাভ কৰিছে।
প্ৰশাসনিক সেৱাৰ পৰীক্ষা দি ভৱিষ্যতে এজন প্ৰশাসনিক বিষয়া হোৱাৰ পৰিকল্পনা ভাৰ্গৱ ফুকনৰ।
উল্লেখ্য যে ভাৰ্গৱ ফুকনৰ পিতৃ নিত্যানন্দ ফুকনে বোকাখাত মহকুমাৰ দুসুঁতি মুখ উচ্চ মাধ্যমিক বিদ্যালয়ৰ বিজ্ঞান শিক্ষক হিচাপে অৱসৰ গ্ৰহন কৰিছে ৷
