ম্যানমাৰত ভূমিস্খলনত অতি ক’মেও ৫০ গৰাকী লোকৰ মৃত্যু ঘটিছে।
ম্যানমাৰৰ চৰকাৰী সূত্ৰৰ উদ্ধৃতি দি ৰয়টাৰে কয় যে আজি বৃহস্পতিবাৰে নৰ্ডান ম্যানমাৰত ভূমিস্খলনৰ ঘটনা সংঘটিত হয়।
এটা ফেইচবুকৰ প’ষ্টৰ উদ্ধৃতিৰে ৰয়টাৰে দিয়া বাতৰি অনুসৰি খনিৰ শ্ৰমিকসকলে কাচিন প্ৰদেশৰ হ্পকান্ট অঞ্চলত শিল সংগ্ৰহ কৰি থাকোতে মুষলধাৰ বৰষুণৰ ফলত ভূমিস্খলনৰ মাটিয়ে শ্ৰমিকসকল পুতি পেলায়।
“বৰ্তমান মুঠ ৫০ টা মৃতদেহ উদ্ধাৰ কৰা হৈছে। এতিয়াও আমি উদ্ধাৰ কাৰ্য চলাই আছো।” ফেইচবুক প’ষ্টটোত কোৱা হৈছে।
উল্লেখ্য যে, ম্যানমাৰৰ কাচিন প্ৰদেশৰ হপাকান্টৰ খননস্থলীত ভূমিস্খলন সাধাৰণ ঘটনাৰ দৰেই হৈ পৰিছে।
হপাকান্টৰ তথ্য মন্ত্ৰালয়ৰ বিষয়া টাৰ লিন মৌঙে ৰয়টাৰক জনোৱা অনুসৰি আজি ৰাতিপুৱাই ভূমিস্খলনৰ ঘটনাটো সংঘটিত হয়।
