পুঁজিৰ অভাৱৰ কাৰণে অসমত উন্নয়নমূলক কাম-কাজ ৰূপায়ণৰ ক্ষেত্ৰত বাধাৰ সৃষ্টি হৈছে, এই মন্তব্য মুখ্য মন্ত্ৰী সৰ্বানন্দ সোণোৱালৰ।
কালি নতুন দিল্লীত বি জে পি শাসিত ৰাজ্যসমূহৰ মুখ্য মন্ত্ৰী আৰু উপ-মুখ্য মন্ত্ৰীসকলক লৈ আয়োজন কৰা বৈথকত অংশগ্ৰহণ কৰি সোণোৱালে এই মন্তব্য কৰে।
উল্লেখযোগ্য যে, লোকসভা নিৰ্বাচনলৈ আৰু এটা বছৰ বাকী থকা অৱস্থাত নতুন ৰণনীতি তৈয়াৰ কৰাৰ উদ্দেশ্যে প্ৰধান মন্ত্ৰী নৰেন্দ্ৰ মোদীৰ আহ্বানত দীনদয়াল উপাধ্যায় মাৰ্গস্থিত দলটোৰ কাৰ্যালয়ত এক গুৰুত্বপুৰ্ণ বৈথকৰ আয়োজন কৰা হৈছিল।
সন্ধিয়া ৬ বজাৰ পৰা আৰম্ভ হোৱা উক্ত বৈঠকত প্ৰধান মন্ত্ৰীৰ নিৰ্দেশমৰ্মে মুঠ ১৪ জন মুখ্য মন্ত্ৰীয়ে তেওঁলোকৰ ৰাজ্যসমূহত কৰা উন্নয়নমূলক কাম-কাজৰ এক প্ৰতিবেদন দাখিল কৰিছিল।
এক সূত্ৰৰ পৰা পোৱা প্ৰাপ্ত তথ্য মতে, নিজ প্ৰতিবেদনত অসমৰ মুখ্য মন্ত্ৰী সোণোৱালে পুঁজিৰ অভাৱৰ কথা উল্লেখ কৰাৰ লগতে ‘মদী কেয়াৰ’ৰ অন্ত্ৰৰ্গত দৰিদ্ৰ পৰিয়ালসমূহৰ বাবে কেন্দ্ৰৰ স্বাস্থ্য বীমা আঁচনি ৰূপায়ণৰ ক্ষেত্ৰত ৰাজ্য চৰকাৰক ৪০ শতাংশ পুঁজিৰ ক্ষেত্ৰত অসমৰ অসুবিধা হৈছে বুলি সদৰী কৰে।
সূত্ৰৰটোৰ মতে, তেওঁ উক্ত আঁচনিৰ ক্ষেত্ৰত অসমক অতিৰিক্ত পুঁজিৰ প্ৰয়োজন আছে বুলিও নিজৰ প্ৰতিবেদনখনত উল্লেখ কৰে।
উল্লেখযোগ্য যে ২০১৩ চনত শাসনলৈ অহাৰ পিছৰে প্ৰতেক বছৰে বি জে পি শাসিত ৰাজ্যসমূহৰ মুখ্য মন্ত্ৰী আৰু উপ-মুখ্য মন্ত্ৰীসকলক লৈ প্ৰধান মন্ত্ৰীয়ে বৈঠক আয়োজন কৰি আহিছে।
এইবাৰৰ বৈঠকত ১৪ জন মুখ্য মন্ত্ৰীৰ লগতে ৬ জন মুখ্য মন্ত্ৰীয়ে অংশ লৈছিল।
কেন্দ্ৰৰ অভিলাষী আঁচনি সমূহৰ ৰূপায়ন, বুথ পৰ্যায়ত সংগঠনৰ কাৰ্যকলাপকে ধৰি মুঠ ৫ টা বিষয়ত প্ৰধান মন্ত্ৰীজনে মুখ্য মন্ত্ৰীসকলৰ পৰা সবিশেষ বিচাৰে বুলি জানিব পৰা গৈছে।
আনহাতে দলটোৰ ৰাষ্ট্ৰীয় সভাপতি অমিত শ্বাহেও বুথ পৰ্যায়ত দলৰ সাংগঠনিক ভেটি সুনিশ্চিত কৰাৰ ওপৰত গুৰুত্ব দিয়ে বুলি জানিব পৰা গৈছে।
বৈঠকত প্ৰধান মন্ত্ৰী, সভাপতি অমিত শ্বাহৰ উপৰি ৰাজনাথ সিং, সুষমা স্বৰাজ, নীতীন গাডকাৰি, ৰাম লালকে অদিকে বহুকেইজন শীৰ্ষ নেতা উপস্থিত আছিল।
