ক’ৰ’ণা ভাইৰাছৰ ভেকচিন প্ৰস্তুতৰ বাবে বিশ্বৰ বিভিন্ন দেশৰ স্বাস্থ্য বিজ্ঞানী সকলে ৰাতিক দিন কৰি কাম কৰি আছে।
এই ক্ষেত্ৰত আমেৰিকাৰ অক্সফোৰ্ড বিশ্ববিদ্যালয়ে আবিষ্কাৰ কৰা কোভিডৰ ভেকচিন কোভিশ্বিল্ডে বিশেষ আশাৰ ৰেঙণি দেখুৱাইছে।
ভাৰতৰ পুনেস্থিত ছেৰাম ইনষ্টিটিউটৰ উদ্যোগত দেশৰ বিভিন্ন প্ৰান্তত কোভিশ্বিল্ডৰ মানৱ দেহত পৰীক্ষণ পূৰ্ণ গতিত চলি আছে।
শনিবাৰে ছেৰাম ইনষ্টিটিউটে দেশৰ তিনিটা স্থান ক্ৰমে পুনে,মুম্বাই আৰু আহমেদাবাদত কোভিশ্বিল্ডৰ পৰীক্ষণ সম্পন্ন কৰিছে।
মুঠ ১,৬০০ লোকৰ দেহত এই পৰীক্ষণ সম্পন্ন কৰা হৈছে। অহা পোন্ধৰ দিনৰ ভিতৰত এই পৰীক্ষণৰ ফলাফল জানিব পৰা যাব।
ছেৰাম ইনষ্টিটিউটে প্ৰকাশ কৰা মতে ভাৰত চৰকাৰে প্ৰতিষ্ঠানটোৰ পৰা ৬৮ কোটি কোভিশ্বিল্ড ভেকচিন বিচাৰিছে।
যিহেতু এই ভেকচিন বিধৰ তৃতীয় পৰ্যায়ৰ পৰীক্ষণ চলি আছে সেয়ে ভেকচিন বিধ শীঘ্ৰে ব্যৱহাৰৰ বাবে মুকলি কৰি দিব পৰা যাব বুলি ছেৰম ইনষ্টিটিউটৰ এগৰাকী মুখপাত্ৰই প্ৰকাশ কৰিছে।
তেওঁৰ মতে ৭৩ দিনৰ ভিতৰত দেশবাসীক কোভিডৰ বিনামূলীয়া ভেকচিন আগবঢ়াব পৰা যাব।
ভাৰতত কোভিশ্বিল্ড ভেকচিনৰ উৎপাদন আৰু বিপণনৰ সম্পূৰ্ণ দায়িত্ব লাভ কৰিছে পুনেৰ ছেৰাম ইনষ্টিটিউটে।
