নিজৰ ৰাজনৈতিক উদ্দেশ্য সিদ্ধিৰ বাবে নাগৰিকত্ব সংশোধনী আইনৰ বিৰুদ্ধে ৰাজপথত নমাৰ নাটক কৰি সৌ সিদিনা কংগ্ৰেছ দলত যোগদান কৰা তথাকথিত শিল্পী অজয় ফুকনে লাভ কৰিলে অসম প্ৰদেশ কংগ্ৰেছৰ মুখপাত্ৰ আৰু মিডিয়া পেনেলিষ্টৰ দায়িত্ব।
প্ৰদেশ কংগ্ৰেছৰ সাধাৰণ সম্পাদক ৰঞ্জন বৰাৰ স্বাক্ষৰ সম্বলিত এখন জাননীযোগে এই কথা ৰাজহুৱা কৰা হয়।
ইয়াৰোপৰি, কংগ্ৰেছত অজয় ফুকনৰ লগত একেলগে যোগদান কৰা গায়ক বাবু বৰুৱা আৰু নেকিবে লাভ কৰিছে প্ৰদেশ কংগ্ৰেছৰ সম্পাদকৰ দৰে দায়িত্ব।
বাবু আৰু নেকিবৰ লগতে অজয় ফুকনকো সম্পাদকৰ দায়িত্ব অৰ্পন কৰা হৈছে।
প্ৰশ্ন হয়, কংগ্ৰেছত যোগদান কৰিয়ে কেনেকৈ তিনিটাকৈ গুৰুত্বপূৰ্ণ পদ লাভ কৰিলে অজয় ফুকনে?
অজয় ফুকনে সৰ্বে-সর্বা হ’বলৈয়ে প্ৰৱেশ কৰিছিল নেকি কংগ্রেছত?
অজয় ফুকনৰ লগতে মনোৰঞ্জন কোঁৱৰ আৰু গিৰিন্দ্ৰ কলিতাই মুখপাত্ৰৰ পদ লাভ কৰিছে।
সাধাৰণ সম্পাদক হিচাপে দায়িত্ব লাভ কৰিছে ৰূপেছ গোৱলা, ৰাজু চাহু, আৰু প্ৰাক্তন বিধায়ক দ্বীপেন পাঠক।
