অতি প্ৰয়োজনত PF একাউণ্টৰ ধন উলিয়াবলৈ গৈ বহুতেই নানান আহুকালৰ সন্মুখীন হ’বলগীয়া হয়।
আবেদন কৰাৰ কিমান দিনৰ ভিতৰত PF একাউণ্টৰ ধন আপোনাৰ হাতত পৰে সেয়া নিশ্চিতকৈ কোনেও কব নোৱাৰে।
PF একাউণ্টৰ ধন উলিওৱাৰ ক্ষেত্ৰত সন্মুখীন হোৱা এনে সমস্যা এতিয়া আৰু নাথাকে।
PFৰ ধন এতিয়া মাত্ৰ ২ মিনিটৰ ভিতৰতে আপুনি উলিওৱাৰ প্ৰক্ৰিয়া সম্পন্ন কৰিব পাৰে।
হয়,কথাষাৰ বিশ্বাস কৰিবলৈ টান লাগিছে যদিও এতিয়া PF একাউণ্টৰ ধন উলিওৱাটো ভাতৰ লগত পানী খোৱাৰ দৰে সহজ কথা হৈ পৰিছে।
PF একাউণ্টৰ ধন মাত্ৰ ২ মিনিটৰ ভিতৰতে উলিওৱাৰ প্ৰক্ৰিয়া সম্পন্ন কৰিবলৈ আপুনি মাত্ৰ কেইটামান বিশেষ পদক্ষেপ গ্ৰহণ কৰিব লাগিব।
আপোনাৰ থাকিব লাগিব এটা স্মাৰ্ট ফোন আৰু ইণ্টাৰনেটৰ সংযোগ।
২ মিনিটতে PF একাউণ্টৰ ধনৰ বাবে আবেদন কৰিবলৈ আপুনি এই প্ৰক্ৰিয়া কেইটা সম্পন্ন কৰক,দেখিব শীঘ্ৰে ধন আহি আপোনাৰ একাউণ্টত সোমাব।পদক্ষেপ কেইটা জানো আহক—
১. প্ৰথমতে আপোনাৰ মোবাইল ফোনত ডাউনলোড কৰক UMANG এপ। ইপিএফৰ সকলো সদস্যই এই এপ ব্যৱহাৰ কৰিব পাৰে।
২. এপটো খোলক আৰু EPFOৰ বাবে ছাৰ্চ কৰক।
৩. ‘Employee Centric’ বুলি থকা অপছনটো বাচনি কৰক।
৪. ‘Raise Claim’ অপছনটো ছিলেক্ট কৰক।
৫. ইয়াৰ পিছত আপুনি আপোনাৰ EPF UAN নম্বৰটো অন্তৰ্ভূক্ত কৰক।যদি আপুনি EPF UAN নম্বৰটো নাজানে তেন্তে আপোনাৰ সংশ্লিষ্ট কোম্পানীৰ পৰা নম্বৰটো জানি লওক।
৬. UAN নম্বৰ দিয়াৰ পিছত আপুনি মোবাইল ফোনত এটা পাছৱৰ্ড লাভ কৰিব।পাছৱৰ্ডটো যথাস্থানত অন্তৰ্ভূক্ত কৰক।
৭. ইয়াৰ পিছত withdrawal type নিৰ্বাচন কৰক,ধনৰ পৰিমাণ অন্তৰ্ভূ্ক্ত কৰক আৰু ছাবমিট বুটামটো টিপক।
৮. আপুনি এটা Claim Reference Number (CRN) নম্বৰ লাভ কৰিব।আপুনি এই নম্বৰটো সযতনে ৰাখিব।
৯. CRN নম্বৰৰ সহায়ত আপুনি কৰা আবেদনৰ অগ্ৰগতিৰ বিষয়ে জানিব পাৰিব।
১০. ইয়াৰ পিছত আপুনি উলিয়াব বিচৰা ধন একাউণ্টত সোমাব।
এইক্ষেত্ৰত মন কৰিবলগীয়া কথাটো হ’ল এনেদৰে ধন উলিয়াবলৈ আপুনি সঠিক মতে KYC দিব লাগিব। UAN নম্বৰ আধাৰৰ সৈতে সংযুক্ত কৰিব লাগিব আৰু UMANG এপটোও আধাৰৰ সৈতে সংযুক্ত কৰিব লাগিব।
