ভাৰতত সক্ৰিয় ক’ৰ’না ৰোগীৰ সংখ্যা মঙলবাৰে ৮,০১,২৮২ গৰাকীলৈ বৃদ্ধি পাইছে বুলি দেশৰ স্বাস্থ্য আৰু পৰিয়াল কল্যাণ মন্ত্ৰ্যালয়ে প্ৰকাশ কৰে।
আনহাতে, ভাৰতত চিকিৎসাৰ অন্তত ক’ৰ’নাৰ পৰা আৰোগ্য হৈ উঠা লোকৰ সংখ্যাৰ হাৰো প্ৰায় ৭৭ শতাংশলৈ বৃদ্ধি পাইছে।
ভাৰতত বৰ্তমানলৈ ২৯,০১,৯০৮ গৰাকী লোক চিকিৎসাৰ অন্তত সুস্থ হৈ উঠিছে।
তদুপৰি, বিগত ২৪ ঘণ্টাত দেশত নতুনকৈ ৭৮,৩৫৭ গৰাকী লোকৰ শৰীৰত ক’ৰ’না ভাইৰাছৰ উপস্থিতি ধৰা পৰিছে।
ইয়াৰ ফলত দেশত ক’ৰ’না আক্ৰান্ত লোকৰ সংখ্যা ৩৭,৬৯,৫২৩ গৰাকীলৈ বৃদ্ধি পায়।
ভাৰতত এতিয়ালৈ ক’ৰ’না ভাইৰাছৰ সংক্ৰমণৰ ফলত ৬৬,৩৩৩ গৰাকী লোকে প্ৰাণ হেৰুৱাবলগীয়া হৈছে।
উল্লেখযোগ্য যে, আমেৰিকা যুক্তৰাষ্ট্ৰ, ব্ৰাজিলৰ পাছতে ভাৰত বিশ্বৰ ক’ৰ’না ভাইৰাছৰ ফলত ক্ষতিগ্ৰস্ত হোৱা দেশ।
ভাৰতত অনল’ক প্ৰক্ৰিয়া আৰম্ভ হোৱাৰ পাছৰে পৰা ক্ৰমাৎ আৰোগ্যৰ হাৰ বৃদ্ধি পোৱা বুলি দেশৰ স্বাস্থ্য আৰু পৰিয়াল কল্যাণ মন্ত্ৰ্যালয়ে সংবাদমেল যোগে সদৰী কৰিছে।
