দেশৰ অৰ্থনীতি তৈথৱচ। জিডিপি গ’ল মাইনাছলৈ। দেশত ভংগ হৈছে সৰ্বকালৰ নিবনুৱা সংখ্যাৰ অভিলেখ। ইয়াৰ পিছতো কেৱল প্ৰতিশ্ৰুতিৰ খৰস্ৰোতা বন্যা প্ৰধানমন্ত্ৰী নৰেন্দ্ৰ মোদীৰ।
সেয়ে দেশৰ নিবনুৱাসকলে আজি প্ৰধানমন্ত্ৰী নৰেন্দ্ৰ মোদীৰ ৭০ সংখ্যক জন্ম দিনটোক পালন কৰিছে ৰাষ্ট্ৰীয় নিবনুৱা দিৱস হিচাপে।
ইতিমধ্যে দেশৰ নিবনুৱা যুৱক-যুৱতীসকলে প্ৰধানমন্ত্ৰী মোদীৰ জন্ম দিনটোক ৰাষ্ট্ৰীয় নিবনুৱা দিৱস হিচাপে পালন কৰি চ’ছিয়েল মিডিয়াত ব্যাপকৰূপত প্ৰতিবাদ সাৱ্যস্ত কৰিছে।
#NationalUnemploymentDay, #राष्ट्रीय_बेरोजगार_दिवस বুলি হেজষ্টেকেৰে প’ষ্ট কৰি নিবনুৱাসকলে অভিযান আৰম্ভ কৰিছে টুইটাৰত।
This youth movement is creating history and it has proved that you can manage headlines through Godi Media but you can’t always fool people.#राष्ट्रीय_बेरोजगार_दिवस #NationalUnemploymentDay pic.twitter.com/jEnwEJ1Hvx
— Rakesh Yadav (@Careerwill1) September 17, 2020
এই প্ৰতিবেদন প্ৰস্তুত কৰি থকা পৰ্যন্ত টুইটাৰত ৰাষ্ট্ৰীয় নিবনুৱা দিৱসৰ #NationalUnemploymentDayৰে ২.২৭ মিলিয়ন অৰ্থাৎ ২৭ লাখৰো অধিক প’ষ্ট আৰু #राष्ट्रीय_बेरोजगार_दिवसৰে ১.৫৪ মিলিয়ন অৰ্থাৎ প্ৰায় ১৫ লাখ টুইটৰে আজি টুইটাৰ ট্ৰেণ্ডিঙত আছে ৰাষ্ট্ৰীয় নিবনুৱা দিৱস-এ।
উল্লেখ্য যে বিগত মাহৰ প্ৰধানমন্ত্ৰী মোদীৰ ‘মন কী বাত’ৰ পৰাই দেশৰ যুৱপ্ৰজন্মই চ’ছিয়েল নেটৱৰ্কিং চাইটত অভিনৱভাৱে প্ৰধানমন্ত্ৰী মোদীক বিৰোধ তথা প্ৰতিবাদ সাৱ্যস্ত কৰিবলৈ আৰম্ভ কৰে।
আগষ্ট মাহৰ প্ৰধানমন্ত্ৰীৰ ‘মন কী বাত’ৰ ইউ টিউব ভিডিঅ’টোত কেবা মিলিয়নো ডিছলাইক পৰাৰ পিছৰে প্ৰধানমন্ত্ৰী মোদীক চ’ছিয়েল নেটৱৰ্কিং চাইটত দেশৰ যুৱ প্ৰজন্মই এইদৰে লক্ষ্য কৰি লোৱা পৰিলক্ষিত হৈছে।
অৱশ্যে প্ৰধানমন্ত্ৰী মোদীৰ জন্ম দিনটোক ৰাষ্ট্ৰীয় নিবনুৱা দিৱস হিচাপে পালন কৰাৰ এই কাৰ্যসূচী যুৱ কংগ্ৰেছে আৰম্ভ কৰিছিল টুইটাৰত।
কিন্তু ই এতিয়া কেৱল যুৱ কংগ্ৰেছীৰ মাজতে সীমাৱদ্ধ হৈ থকা নাই, দল মত নিৰ্বিশেষে দেশৰ সকলো সচেতন যুৱ-যুৱতীৰ মাজলৈ ই এক প্ৰতিবাদৰ ভাষাৰূপে সম্প্ৰসাৰিত হৈছে।