২৪ ছেপ্তেম্বৰত প্ৰধান মন্ত্ৰী নৰেন্দ্ৰ মোদীয়ে ভাৰতীয় ক্ৰিকেট দলৰ অধিনায়ক বিৰাট কোহলী আৰু অভিনেতা মিলিন্দ চোমনৰ সৈতে কথা বতৰা পাতিব।
আচলতে ২৪ ছেপ্তেম্বৰত ফিট ইণ্ডিয়া মুভমেণ্টৰ প্ৰথম বৰ্ষপুতি উদযাপন কৰা হ’ব। এই উপলক্ষ্যে অনলাইনযোগে ফিট ইণ্ডিয়া সংবাদৰ আয়োজন কৰিছে।
ফিট ইণ্ডিয়া সংবাদৰ জৰিয়তে প্ৰধান মন্ত্ৰী মোদীয়ে ফিটনেছৰ সৈতে ওতঃপ্ৰোতভাৱে জৰিত হৈ থকা দেশৰ কেইজনমান ব্যক্তিৰ সৈতে কথা পাতিব।
মোদীৰ তালিকাত ক্ৰিকেটাৰ বিৰাট কোহলী আৰু অভিনেতা তথা মডেল মিলিন্দ চোমনো আছে।
জানিব পৰা মতে, “অনলাইন আলোচনাত জৰিত লোকসকলে ফিটনেছ আৰু সুস্বাস্থ্যৰ বিষয়ত কথা পাতিব। তেওঁলোকৰ পৰামৰ্শ সন্দৰ্ভত প্ৰধান মন্ত্ৰীয়ে নিজৰ মনৰ ভাৱ প্ৰকাশ কৰিব”।
এই অনলাইন কথা-বতৰাত পোষণ, স্বাস্থ্য আৰু ফিটনেছৰ ওপৰত মূলতঃ আলোচনা কৰা হ’ব।
উল্লেখ্য যে দেশৰ নাগৰিক সকলক সুস্থ কৰি ৰাখি এখন ফিট ৰাষ্ট্ৰ নিৰ্মাণৰ উদ্দেশ্যে প্ৰধান মন্ত্ৰী মোদীয়ে ফিট ইণ্ডিয়া মুভমেণ্টৰ পৰিকল্পনা কৰিছিল।
