কেন্দ্ৰীয় চৰকাৰে অনা কৃষি আইনৰ বিৰুদ্ধে অব্যাহত আছে প্ৰতিবাদ। দিল্লী, পঞ্জাৱ আৰু উত্তৰ প্ৰদেশৰ পশ্চিমাঞ্চলত ব্যাপক প্ৰতিবাদ সাৱ্যস্ত কৰা হৈছে।
সোমবাৰে পুৱা দেশৰ ৰাজধানী দিল্লীৰ ৰাজপথত এই আইনৰ বিৰুদ্ধে ক্ষোভত ফাটি পৰে প্ৰতিবাদকাৰীসকল।
প্ৰতিবাদ চলি থকাৰ মাজতে কংগ্ৰেছ কৰ্মীয়ে এখন ট্ৰেক্টৰ জ্বলাই দি কৃষি আইনৰ বিৰুদ্ধে প্ৰতিবাদ সাৱ্যস্ত কৰে।
কৃষক আইনৰ বিৰোধিতাৰে একাংশ কংগ্ৰেছ কৰ্মীয়ে সোমবাৰে পুৱা এখন ট্ৰেক্টৰ লৈ ৰাজপথত উপস্থিত হয়।
তেওঁলোকে ইণ্ডিয়া গেটৰ ওচৰত কৃষি আইনৰ বিৰুদ্ধে প্ৰতিবাদ সাৱ্যস্ত কৰি ট্ৰেক্টৰখন জ্বলাই দিয়ে।
তাৎক্ষণিকভাৱে ঘটনাস্থলীত ট্ৰেফিক আৰক্ষী আৰু অগ্নিনৰ্বাপক বাহিনী উপস্থিত হৈ জুই নিয়ন্ত্ৰণ কৰে।
দিল্লী আৰক্ষীয়ে এই ঘটনাৰ তদন্ত আৰম্ভ কৰিছে আৰু এই ঘটনাৰ সৈতে জড়িত লোকৰ বিৰুদ্ধে অভিযান চলাইছে।
উল্লেখ্য যে তিনিখন কৃষি বিধেয়কতে ৰাষ্ট্ৰপতি ৰামনাথ কোবিন্দে দেওবাৰে স্বাক্ষৰ কৰাৰ পাছত ই আইনত পৰিণত হয়।
অৱশ্যে, দেশৰ বিভিন্ন প্ৰান্তত এই কৃষি আইনৰ বিৰুদ্ধে এতিয়াও প্ৰতিবাদ অব্যাহত আছে।
