প্ৰাক্তন ভাৰতীয় বেগী বলাৰ মনপ্ৰীত সিং গোনী আৰু আই পি এলৰ প্ৰাক্তন উইকেটৰক্ষক বেটছমেন মনবিন্দৰ বিচলাই লংকা প্ৰিমিয়াৰ লীগত অংশগ্ৰহণ কৰিব।
প্ৰথমবাৰৰ বাবে অনুষ্ঠিত হ’বলগীয়া লংকা প্ৰিমিয়াৰ লীগত এই দুগৰাকী ভাৰতীয় খেলুৱৈয়ে অংশগ্ৰহণ কৰিব।
সোমবাৰে অনুষ্ঠিত হোৱা লংকা প্ৰিমিয়াৰ লীগৰ নিলামত মনপ্ৰীত সিং গোনী আৰু মনবিন্দৰ সিং বিচলাক কলম্বো কিংগছে ক্ৰয় কৰে।
পাঁচটা দলে অংশগ্ৰহণ কৰিবলগীয়া লংকা প্ৰিমিয়াৰ লীগ ১২ নৱেম্বৰৰ পৰা আৰম্ভ হ’ব আৰু ১৩ ডিচেম্বৰত সামৰণি পৰিব।
শ্ৰীলংকা ক্ৰিকেট দলৰ প্ৰাক্তন তাৰকা বেটছমেন সনথ জয়সূৰ্য্যয়ো লংকা প্ৰিমিয়াৰ লীগক লৈ আশাপ্ৰকাশ কৰিছে।
ইণ্ডিয়ান প্ৰিমিয়াৰ লীগৰ নিচিনাকৈ লংকা প্ৰিমিয়াৰ লীগেও দেশখনৰ যুৱ খেলুৱৈক সুযোগ প্ৰদান কৰিব আৰু জনপ্ৰিয়তা অৰ্জন কৰিব বুলি জয়সূৰ্য্যই আশা কৰে।
