NXIVMৰ প্ৰতিষ্ঠাপক কেইথ ৰিনিয়েৰক ১২০ বছৰৰ কাৰাদণ্ড বিহিছে মাৰ্কিন যুক্তৰাষ্ট্ৰৰ এখন আদালতে।
এনক্সিভিমৰ প্ৰতিষ্ঠাপক কেইথ ৰিনিয়েৰক যোৱা বছৰে শিশু, কিশোৰী আৰু মহিলাক যৌন সম্পৰ্ক স্থাপনৰ বাবে বাধ্য কৰোৱা, অবাধ যৌন সৰবৰাহ, শিশু প’ণগ্ৰাফী নিৰ্মাণৰ দালালি কৰা আদিৰ সৈতে জড়িত থকাৰ অপৰাধত দোষী সাব্যস্ত কৰা হৈছিল।
এনক্সিভিম গোটৰ প্ৰধান হিচাপে ৰিনিয়েৰে কিশোৰী তথা মহিলাসকলক দাস হিচাপে নিয়োগ কৰি তেওঁৰ সৈতে যৌন সম্পৰ্ক স্থাপন কৰিবলৈও বাধ্য কৰায় আহিছিল।
আদালতত আনকি এইটো প্ৰমাণিত হৈছে যে ৬০ বছৰীয়া ৰিনিয়েৰে শিশুসকলকো তেওঁৰ সৈতে যৌন সম্পৰ্কত স্থাপনৰ বাবে বাধ্য কৰাইছিল।
ইফালে মংগলবাৰে ব্ৰুকলিন জিলাৰ জৰ্জ নিক’লাছ গাৰ’ফিছে এই অপৰাধৰ বাবে ৰিনিয়েৰক ১.৭৫ মিলিয়ন মাৰ্কিন ড’লাৰ জৰিমনাৰ বিহিছে।
উল্লেখ্য যে, কেইথ ৰিনিয়েৰ বিৰুদ্ধে মংগলবাৰে ব্ৰুকলিন আদালত ১৩ গৰাকী মহিলাসহ ১৫ গৰাকী লোকে সাক্ষ্য প্ৰদান কৰিছিল।
আনহাতে ৰিনিয়েৰ যৌন লালসাৰ বলি হোৱা ৯০ গৰাকীতকৈ অধিক ভুক্তভোগীয়ে ব্ৰুকলিনৰ বিচাৰপতি নিক’লাছলৈ ৰিনিয়েৰৰ বিৰুদ্ধে পত্ৰ লিখিছিল।
“মই তেতিয়া শিশু আছিলো, তেওঁ তেতিয়াই মোৰ সৰ্বস্ব লুটি নিলে।” এগৰাকী ভুক্তভোগী মহিলাই শুনানিৰ কালত আদালতত এইদৰে কয়।
১৯৯৮ চনত এনভিক্সিম প্ৰতিষ্ঠা কৰি ৰিনিয়েৰে কিশোৰী আৰু মহিলাক ‘দাসী’ হিচাপে নিযুক্তি দি নিজৰ সৈতে যৌন সম্পৰ্ক স্থাপন কৰিবলৈ বাধ্য কৰি ইয়াৰ ফ’টো আৰু ভিডিঅ’ ৰেকৰ্ডিং সংৰক্ষণ কৰি ৰখাৰ প্ৰমাণ পোৱা গৈছে।
যৌন শিক্ষা দিয়াৰ নামত বহু শিশু, কিশোৰী আৰু মহিলাৰ সৈতে যৌন সম্পৰ্ক স্থাপন কৰা কেইথ ৰিনিয়েৰক ২০১৮ চনত মেক্সিকোত গ্ৰেপ্তাৰ কৰা হৈছিল।
