তৃতীয় পৰ্যায়ৰ ভোটগ্ৰহণ সামৰণি পৰাৰ লগে লগে শনিবাৰে বিহাৰ বিধানসভাৰ ২০২০ চনৰ সাধাৰণ নিৰ্বাচন সমাপ্ত হৈছে।
ভোটগ্ৰহণ সামৰণি পৰা লগে লগে বিহাৰ বিধানসভাৰ সাধাৰণ নিৰ্বাচনৰ এক্সিটপুলৰ সমীক্ষাও প্ৰকাশ পাইছে।
এক্সিটপলৰ সমীক্ষাৰ মতে এইবাৰ বিহাৰত নীতিশ কুমাৰৰ ১৫ বছৰীয়া শাসনৰ পৰিসমাপ্তি ঘটিব পাৰে।
এনডি টিভিৰ বাতৰিৰ মতে এইবাৰ বিহাৰ নিৰ্বাচনত শাসনাধিষ্ঠ ৰাষ্ট্ৰী গণতান্ত্ৰিক মৰ্চা অৰ্থাৎ এনডিএৰ শাসন ১১০খনতে সীমাৱদ্ধ থাকিব। আনহাতে তেজস্বী যাদৱৰ নেতৃত্বাধীন মহাজোঁটবন্ধনে ১২৪ আসন লাভ কৰিব বুলি প্ৰকাশ কৰিছে।
টাইমছ নাও চিৰ সমীক্ষাৰ মতে তেজস্বী যাদৱৰ নেতৃত্বাধীন মহাজোঁটবন্ধনে এইবাৰ নিৰ্বাচনত এনডিএ-ক পিছ পেলাই লাভ কৰিব ১২০ খন আসন। এই সমীক্ষাই এনডিএৰ আসন ১১৬ খনতে সীমাৱদ্ধ থাকিব বুলি প্ৰকাশ কৰিছে।
আনফালে এই সমীক্ষাৰ মতে চিৰাগ পাচোৱানৰ নেতৃত্বাধীন লোক জনশক্তি পাৰ্টিয়ে মাত্ৰ এখন আসনহে লাভ কৰিবলৈ সক্ষম হ’ব।
আনহাতে ৰিবাপ্লিক-জান কী বাটৰ এক্সিটপুলৰ মতে নীতিশ কুমাৰৰ নেতৃত্বাধীন এনডিএ-এ লাভ কৰিব ১১৮ৰ পৰা ১৩৮ আসন আৰু বিৰোধী মহাজোঁটবন্ধনে আসন সীমাৱদ্ধ থাকিব ৯১ৰপৰা ১১৭ খন আসনৰ ভিতৰত।
এই সমীক্ষাৰ মতে লোক জনশক্তি পাৰ্টিয়ে ৮খন আসন লাভ কৰাৰ সম্ভাৱনা আছে।
উল্লেখ্য ২৪৩ আসনবিশিষ্ট বিহাৰ বিধান সভাৰ চৰকাৰৰ গঠনৰ মেজিক আসন হৈছে ১২২খন।
বিহাৰ বিধানসভাৰ ২০২০ চনৰ সাধাৰণ নিৰ্বাচনৰ ফলাফল অহা ১০ নৱেম্বৰ ঘোষণা কৰা হ’ব।
