নাইজেৰিয়াৰ সাগৰৰ পৰা জলদস্যুৱে চাৰি জন ভাৰতীয় নাবিকক অপহৰণ কৰি নিয়াৰ ঘটনাই চিন্তাত পেলাইছে ভাৰত চৰকাৰক।
জলদস্যুৱে প্ৰায়ে সন্ত্ৰাসৰ সৃষ্টি কৰি অহা নাইজেৰিয়ালৈ ‘মিলান’ নামৰ জাহাজ খনেৰে সামগ্ৰী কঢ়িয়াই নিয়াৰ সময়তে জলদস্যুৰ এটা বৃহৎ দলে জাহাজ খনৰ ওপৰত আক্ৰমণ চলায় আৰু জাহাজ খনত থকা ১০ জন নাৱিকক অহৰণ কৰি নিয়ে।
অপহৃত নাবিক ১০ জনৰ ভিতৰত ৪ জন ভাৰতীয় নাৱিকো আছে। জানিব পৰা মতে ব্ৰাছ টাৰ্মিনেলৰ পৰা ৫২ নটিকেল দূৰৈত অৱস্থিত বায়েলছা নামৰ স্থানত জলদস্যুৰ দলটোৱে জাহাজ খনৰ ওপৰত আক্ৰমণ চলায় আৰু নাৱিক কেইজনক অপহৰণ কৰি নিয়ে।
অপহৰণ কৰা নাৱিক কেইজনৰ ভিতৰত দুজন মিছৰৰ,তিনিজন লেবাননৰ আৰু এজন কেমেৰুণৰ বুলি জানিব পৰা গৈছে।
Himachal Seafarers’ Association ৰ সাধাৰণ সম্পাদক সঞ্জয় পৰাশৰে প্ৰকাশ কৰা মতে চাৰি ভাৰতীয় নাৱিকৰ সৈতে আন নাৱিক কেইজনক ক’লৈ নিয়া হৈছে সেয়া এতিয়ালৈকে জানিব পৰা হোৱা নাই।
জলদস্যুৱে এতিয়ালৈকে নাৱিক কেইজনৰ মুক্তিৰ বিনিময়ত কোনো মুক্তিপণ বিচৰা নাই বা সংশ্লিষ্ট দেশৰ চৰকাৰী প্ৰতিনিধিৰ সৈতেও যোগাযোগ কৰা নাই।
ভাৰতৰ বৈদেশিক পৰিক্ৰমা দপ্তৰে অপহৃত ভাৰতীয় নাৱিক কেইজনক উদ্ধাৰ কৰাৰ বাবে পদক্ষেপ গ্ৰহণ কৰা বুলি প্ৰকাশ কৰিছে।
উল্লেখ্য ২০১৭ চনতো য়েমেনত ছোমালী জলদস্যুৱে বহু কেইজন ভাৰতীয় নাৱিকক অপহৰণ কৰিছিল যদিও ভাৰত চৰকাৰৰ তৎপৰতাত নাৱিক কেইজনক উদ্ধাৰ কৰিব পৰা হৈছিল।
সেই বছৰতে ভাৰতৰ এম ভি জগঅমৰ নামৰ জাহাজ খনৰ ওপৰত জলদস্যুৱে আক্ৰমণ চলাইছিল যদিও ভাৰীয় নৌ সেনাৰ আই এন এছ ত্ৰিশূলে সেই আক্ৰমণ ব্যৰ্থ কৰিছিল।
