তীব্ৰ উৎকণ্ঠাৰ মাজেৰে গণনা চলি আছে বিটিচি পৰিষদীয় নিৰ্বাচনৰ ভোট গণনাৰ।
পুৱাৰে পৰা প্ৰায় ২৫ৰো অধিক আসনত অগ্ৰগতি লাভ কৰি প্ৰমোদ বড়োৰ নেতৃত্বাধীন য়ুপিপিএল অগ্ৰগতি লাভ আসনৰ সংখ্যা ক্ৰমাৎ হ্ৰাস পায় ১৫ খন হৈছেহি।
পুৱাৰে পৰা ৫ খনৰো কম আসনত অগ্ৰগতি লাভ কৰি থকা হাগ্ৰামা মহিলাৰীৰ নেতৃত্বাধীন বিপিএফ দলে এই মুহূৰ্ত অগ্ৰগতি লাভ কৰা আসনৰ সংখ্যা ১৩ খনলৈ বৃদ্ধি হৈছে।
পুৱা ভাগত দুপৰীয়ালৈকে ৰাজনৈতিক বিশ্লেষকসকলে মন্তব্য কৰিছিল যে বিটিচিত বিপিএফৰ পতন অনিবাৰ্য।
কিন্তু দুপৰীয়াৰ পিছতে হঠাতে বাজিমাৎ মাৰি বিপিএফে অগ্ৰগতি লাভ কৰা আসনৰ সংখ্যা ১৩ খন আসনলৈ বৃদ্ধি পাইছে।
আনহাতে পুৱা ভাগতে মাত্ৰ ৩ খন মান আসনত অগ্ৰগতি লাভ কৰি থকা বিজেপিয়ে এই মুহূৰ্তত ১১খনলৈ বৃদ্ধি হৈছে অগ্ৰগতি লাভ কৰা আসনৰ সংখ্যা।
ইয়াৰ ফলত বিটিচিত কোনো এটা দলেই একক সংখ্যাগৰিষ্ঠতা লাভ নকৰাৰ সম্ভাৱনা প্ৰায় স্পষ্ট হৈ পৰিছে। উল্লেখ্য যে ৪০ খন আসনযুক্ত বিটিচি পৰিষদৰ মেজিক সংখ্যাৰ আসন হৈছে ২১ খন।
আনহাতে, ১৭ বছৰে বিটিচি শাসন কৰা বিপিএফ প্ৰধান হাগ্ৰামা মহিলাৰীয়ে প্ৰতিদ্বন্দ্বিতা কৰাৰ দুয়োটা সমষ্টিতে পিছ পৰি আছে।
তেওঁৰ নিজা সমষ্টি দেৱৰগাঁওত ২,৫০০ ৰো অধিক ভোটত পিছ পৰি আছে। আনহাতে কচুগাঁও সমষ্টিতো ২০০ ভোটত পিছ পৰি আছে বুলি জানিব পৰা গৈছে।
বিটিচিৰ প্ৰাক্তন উপ মুখ্য কাৰ্যবাহী সদস্য খাফ্মা বৈগয়াৰীয়ে চিৰাঙদুৱাৰ সমষ্টিত পৰাজয় কৰিছে য়ুপিপিএলৰ প্ৰাৰ্থী ৰঞ্জিত বসুমতাৰীৰ হাতত। অৱশ্যে বৰ্তমানলৈকে নিৰ্বাচন আয়োগে আনুষ্ঠানিক ঘোষণা কৰা নাই।
দুটা সমষ্টিৰ পৰা প্ৰতিদ্বন্দ্বিতা য়ুপিপিএলৰ অধ্যক্ষ প্ৰমোদ বড়োৱে কোকলাবাৰী সমষ্টিত গণ সুৰক্ষা মঞ্চৰ প্ৰাৰ্থী হাতত প্ৰায় ১১ হাজাৰো অধিক ভোটত পিছ পৰি আছে। আনহাতে গয়বাৰী সমষ্টিত ৪০০ ভোটৰ ওপৰত আগবাঢ়ি আছে প্ৰমোদ বড়োৱে।
