বিমান খন উৰিবলৈ সাজু হৈছিলহে মাত্ৰ।
ককপিটত বহি পাইলটে ইঞ্জিন ষ্টাৰ্ট দিয়াৰ লগে লগে ঘটিল এক অঘটন।
বিমানৰ জৰুৰীকালিন খিৰিকী খুলি বিমান খনৰ পাংখাৰ ওপৰেৰে খোজ কাঢ়িবলৈ আৰম্ভ কৰিলে এজন যুৱকে।
লাছ ভেগাছৰ পৰা পোৰ্টলেণ্ডলৈ যাত্ৰা কৰিবলৈ ওলোৱা বিমান খন ভাগ্যে সেই সময়ত উৰা মৰা নাছিল।
বিমানৰ পাংখাৰ এপৰত যুৱক জনে খোজ কাঢ়ি থকা দেখি বিমান বন্দৰৰ নিৰাপত্তা কৰ্মী সকলৰ মাজত হাহাকাৰ লাগিল।
নিৰাপত্তা কৰ্মীসকলে যুৱক জনক বিমানৰ পাংখাৰ পৰা নামি আহিবলৈ বাৰম্বাৰ অনুৰোধ জনালে যদিও যুৱকজনে সেই অনুৰোধলৈ কোনো গুৰুত্বই নিদিলে।
ইয়াৰ বিপৰীতে যুৱক জনে পাংখাৰ আৰু ওপৰলৈ উঠি যোৱাৰহে চেষ্টা কৰিলে।যুৱক জনে নিজৰ জোতা খুলি বিমানৰ পাংখাৰ বহু ওপৰলৈ উঠি যাবলৈ চেষ্টা চলালে যদিও সফল নহ’ল।
Appeared to be an interesting day at McCarran today. pic.twitter.com/M7vv3Gh6oT #vegas
— Mick Akers (@mickakers) December 13, 2020
এইবাৰ বিমান বন্দৰৰ নিৰাপত্তা কৰ্মীয়ে পাংখাৰ ওপৰলৈ উঠি গৈ যুৱক জনক কৰায়ত্ব কৰিবলৈ চেষ্টা চলোৱাত যুৱকজনে ভয় খালে আৰু পিছলি পাংখাৰ তললৈ সৰি পৰিল।
লগে লগে যুৱক জনক নিৰাপত্তা কৰ্মীয়ে কৰায়ত্ব কৰিলে। মাটিত পৰি যোৱা যুৱক জনক লগে লগে চিকিৎসালয়লৈ নিয়া হয়।
ইতিমধ্যে তেওঁক গ্ৰেপ্তাৰো কৰা হৈছে। যুৱক জনে কি কাৰণ ত বিমানৰ পাংখাৰ ওপৰলৈ উঠিছিল সেয়া জানিব পৰা হোৱা নাই
