ফ’ৰাম ফৰ ডেভেলপমেণ্ট এণ্ড প্ৰটেকছন অব মিডিয়া কমিউনিটীৰ প্ৰথমখন বাৰ্ষিক সন্মিলনত ভাগ লৈ ত্ৰিপুৰাৰ মুখ্য মন্ত্ৰী বিপ্লৱ কুমাৰ দেৱে ত্ৰিপুৰাৰ সাংবাদিকসকলক বছৰি ৫ লাখ টকা পৰ্যন্ত স্বাস্থ্য বীমাৰ সুবিধা কৰাই দিয়াৰ কথা ঘোষণা কৰে।
আয়ুস্মান ত্ৰিপুৰা আঁচনিৰ অধীনত ৰাজ্যখনত কৰ্মৰত সাংবাদিক সকললৈ বাৰ্ষিক ৫ লাখ টকা স্বাস্থ্য বীমাৰ কথা ঘোষণা কৰা মুখ্য মন্ত্ৰী দেৱে।
আনহাতে, নিম্ন আয়ৰ সাংবাদিক সকলৰ জীৱন ধাৰণৰ মান উন্নীত কৰাৰ ক্ষেত্ৰত ত্ৰিপুৰাৰ বিজেপি নেতৃত্বাধীন ৰাজ্য চৰকাৰখনে কোনোধৰণৰ ক্ৰুটি নকৰে বুলিও অনুষ্ঠানত ভাষণ প্ৰসংগত মুখ্য মন্ত্ৰী দেৱে উল্লেখ কৰে।
উক্ত অনুষ্ঠানতে মুখ্য মন্ত্ৰী বিপ্লৱ কুমাৰ দেৱে তিনিশতাধিক সাংবাদিকক গৰম জেকেট যোগান ধৰাৰ কথাও ঘোষণা কৰে।
ইয়াৰ পূৰ্বেও ত্ৰিপুৰা চৰকাৰে ভালেসংখ্যক সাংবাদিকক গৰম জেকেট যোগান ধৰিছিল।
উল্লেখযোগ্য যে, ক’ৰ’নাৰ সংক্ৰমণৰ সময়ত প্ৰথম শাৰীৰ কৰ্মী হিচাপে থিয় দি থাকি সেৱা আগবঢ়াই যোৱা সাংবাদিক সকললৈ বিভিন্ন ৰাজ্যই স্বাস্থ্য বীমাৰ কথা ঘোষণা কৰিছিল।
