যোৰহাট জিলাৰ তিতাবৰত আজি এগৰাকী নাৰী সৰবৰাহকাৰীক গ্ৰেপ্তাৰ কৰা হয়।
বহিঃৰাজ্যলৈ এগৰাকী ছাত্রীক চালান দিবলৈ চেষ্টা কৰাৰ সময়তে যোৰহাট আৰক্ষীৰ তৎপৰতাত অপহৃত ছাত্ৰী গৰাকী উদ্ধাৰ হয়।
বহিঃৰাজ্যৰ পৰা অহা এজন নাৰী সৰবৰাহকাৰীকো যোৰহাট আৰক্ষীয়ে গ্ৰেপ্তাৰ কৰে।
গ্ৰেপ্তাৰ হোৱা লোকজন মহাৰাষ্ট্ৰৰ ঔৰংগবাদ জিলাৰ চুনিল ৰামু পাতিল বুলি আৰক্ষীয়ে নিশ্চিত কৰিছে।
আটক হোৱা চুনিল ৰামু পাতিল নামৰ লোকজন মানৱ দেহৰ অংগ ব্যৱসায়টো জড়িত থকাৰ সন্দেহ কৰিছে আৰক্ষীয়ে।
যোৰহাট আৰক্ষীয়ে গ্ৰেপ্তাৰ কৰাৰ পিছতেই অপহৃত ছাত্ৰী গৰাকীৰ অভিভাৱকৰ এজহাৰৰ ভিত্তিত যোৰহাট আৰক্ষীৰ পৰা ঘটনাটোৰ তদন্তৰ বাবে বৰহোলা আৰক্ষীৰ জিম্মাত লৈ আৰক্ষীয়ে জোৰদাৰ তদন্তৰ কৰিছে।
উল্লেখযোগ্য যে, ল’কডাউনৰ সময়ৰে পৰা অসমৰ বিভিন্ন জিলাত নাৰী সৰবৰাহকাৰী চক্ৰ সমূহ অধিক সক্ৰিয় হৈ উঠিছে।
অভাৱৰ সুযোগ গ্ৰহণ কৰি নাৰী সৰবৰাহকাৰী চক্ৰ সমূহে চাকৰি দিয়াৰ প্ৰলোভনেৰে কিশোৰী তথা বিভিন্ন মহিলাক বহিঃৰাজ্যলৈ চালান দিয়াৰ চেষ্টা অব্যাহত ৰাখিছে।
অসম আৰক্ষীয়ে নাৰী সৰবৰাহকাৰী চক্ৰ সমূহৰ বিৰুদ্ধে তীব্ৰ অভিযান অব্যাহত ৰখাৰ ইংগিত দিছে।