সাহিত্যপ্রেমী-গ্ৰন্থক্ৰেতাৰ সমাগমত লোকাৰণ্য হৈ পৰা অসম প্রকাশন পৰিষদৰ ৩৩ সংখ্যক গুৱাহাটী গ্রন্থমেলাত শুকুৰবাৰে সন্ধিয়া উপস্থিত মুখ্যমন্ত্ৰী সৰ্বানন্দ সোণোৱাল।
তেওঁ পৰিষদৰ বিপণীত সোমাই ন-পুৰণি গ্রন্থৰ মুবাস লৈ “ৰজনীকান্ত বৰদলৈ ৰচনাৱলী’ আৰু হোমেন বৰগোহাঞিৰ ‘সাময়িক প্ৰসংগ আৰু চিন্তা’ শীৰ্ষক গ্ৰন্থকেইখনকে ধৰি বহুকেইখন গ্ৰন্থ ক্ৰয় কৰে।
ইয়াৰ পাছত প্রকাশন পৰিষদৰ অস্থায়ী কাৰ্যালয়ত এক অনানুষ্ঠানিক বৈঠকত অংশগ্ৰহণ কৰি মুখ্যমন্ত্ৰী ‘সোণোৱালে ক’ভিড বিপৰ্যস্ত ২০২০ৰ বিদায়ৰ পাছতে গুৱাহাটী গ্রহমেলাত জনসাধাৰণৰ অভূতপূৰ্ব সমাগমে মানুহৰ মনলৈ আশাৰ বাতৰি কঢ়িয়াই আনিছে বুলি উল্লেখ কৰে।
তেওঁ কয়— ‘মহামাৰীৰ পৰিণতিত বিগত বৰ্ষটোত গ্ৰন্থমেলাৰ দৰে জ্ঞান চৰ্চ| হোৱা অনুষ্ঠানত অংশগ্ৰহণ কৰাৰ পৰা বিশ্বৰ বিদ্ধৎ সমাজ বঞ্চিত হ’ল। অসম প্রকাশন পৰিষদৰ গুৱাহাটী গ্রন্থমেলাই সেই ৰুদ্ধ দুৱাৰ মুকলি কৰি অসমৰ লগতে সমগ্ৰ মানৱ সমাজলৈ শুভ বাৰ্ত| প্ৰেৰণ কৰিলে।
তেওঁ শিশু সাহিত্য ন্যাস আৰু জনসংযোগ বিভাগৰ বিপণীতো গ্ৰন্থৰ সমাদৰ আৰু বিক্ৰীৰ বুজ লয়। গ্রন্থমেলাত মুখ্যমন্ত্ৰী সোণোৱালক ফুলাম গামোচা আৰু গ্ৰন্থৰ টোপোলাৰে আদৰণি জনায় অসম প্রকাশন পৰিষদৰ উপাধ্যক্ষ সুমন্ত চলিহা আৰু সচিব প্ৰমোদ কলিতাই।
ইপিনে আজি গ্রস্থমেলাৰ বেণু মিশ্ৰ সঁৱৰণী প্ৰেক্ষাগৃহত অনুষ্ঠিত হয় ‘সাম্প্ৰতিক অসমীয়া উপন্যাস : ভাষা আৰু বৈচিত্ৰ’ শীৰ্ষক আলোচনা সত্ৰ।
বিশিষ্ট সাহিত্যিক ডাঃ ধৰৱজ্যোতি বৰাই আলোচনা সত্ৰ উদ্বোধন কৰি কয়— ‘ভাষাৰ স্বতঃস্ফূৰ্ত প্ৰকাশৰ ৰূপটোৱেই হৈছে ভাষাৰ আটাইতকৈ শক্তিশালী ৰূপ।সম্প্ৰতি অসমীয়া গল্প-উপন্যাসত স্থানীয় ভাষাৰ বহুল ব্যৱহাৰ হৈছে।এয়া চৰিত্ৰ অনুপাতে হোৱা উচিত।’
আলোচনা সত্ৰৰ সঞ্চালনা কৰি বিশিষ্ট সাহিত্যিক-সাংবাদিক অনুৰাধা শৰ্মা পূজাৰীয়ে অসমৰ সমাজ জীৱন বিভিন্ন কৃষি-সংস্কৃতিৰে বিচিত্ৰ হোৱা বাবে ভাষাও অত্যন্ত শক্তিশালী বুলি উল্লেখ কৰে।
‘বিচিত্ৰতাই অসমীয়া ভাষাক ঐশ্বৰ্যশালী কৰিছে। সেয়েহে অসমীয়া উপন্যাসৰ চৰিত্ৰ-পটভূমি সদায়ে উন্নত আৰু হৃদয়স্পৰ্শী ৰূপত প্রতিফলিত হয়।’ অনুৰাধা শৰ্মা পূজাৰীয়ে কয়৷
অনুষ্ঠানত বিশিষ্ট ওপন্যাসিক ডঃ ৰত্লোন্তমা দাস বিক্ৰুম, ডঃ মৃদুল শৰ্মা, ডঃ প্রাণজিৎ বৰা, লীনা শৰ্মা, মনালিছা শইকীয়া, মণিকুন্তল| ভট্টাচাৰ্য, পুৰৱী বৰুৱা, ধনদা দেৱীয়ে আলোচক অতিথি ৰূপে অংশগ্ৰহণ কৰি সাৰগৰ্ভ বক্তব্য দাঙি ধৰে।
ইপিনে একেটা প্ৰেক্ষাগৃহত প্রয়াত কবি অনুপম কুমাৰৰ সৌৱৰণত এখন কবি সন্মিলন অনুষ্ঠিত হয়। আনহাতে গ্রন্থমেলাৰ মূল মঞ্চত আজি অসমীয়া প্ৰতিদিনৰ ডিজিটেল ডেক্সৰ উদ্যোগত উল্মচিত হয় ‘সময়ৰ গদ্য আৰু অন্যান্য’শীৰ্ষক গ্রন্থখন।
আনহাতে গগন চন্দ্ৰ অধিকাৰী সভাগৃহত অনুষ্ঠিত এখন গ্ৰন্থ উন্মোচনী সভাত মুনীন্দ্ৰ মহন্তৰ ‘জলফুল’ কাব্য গ্ৰন্থখনৰ মিতালী ভট্টাচাৰ্যই বাংলা ভাষালৈ কৰা অনুবাদ, মিতালী ভট্টচাৰ্যৰ ‘জাতীয়তাবাদ গণমাধ্যম আৰু অন্যান্য’ নামৰ গৰু দুখন উন্মোচন কৰা হয়।
গ্ৰন্থমেলাৰ মূল মঞ্চত বিয়লি ‘মঘাই-মোহন কৃষ্টি বিকাশ বঁটা ২০২০’ প্রদান কৰা হয় বিশিষ্ট শিল্পী সুদক্ষিণা শৰ্মাক। ইয়াতেই ‘নাট্যসম্ৰাট চন্দ্ৰ চৌধুৰী বঁটা’ প্রদান কৰা হয় ভাম্যমান থিয়েটাৰৰ নৃত্যশিল্পী হেম বৰুৱাক।
বিশিষ্ট লেখক বিপুল শৰ্মাই সঞ্চালনা কৰা এই অনুষ্ঠানত বঁটাসমূহ প্রদান কৰে লোককৃষ্টিৰ সাধক প্রভাত শৰ্মাই।
