নিজৰ বুৰ্বকামিৰ বাবে দেশৰ এগৰাকী যুৱকে ইয়াৰ মূল্য ভৰিবলগীয়া হ’ল। অজয় নামৰ এই হতভগীয়া যুৱকজন বাংগালোৰৰ।
মিচেল ষ্টাৰ্কৰ সন্মুখত ৰোহিত শৰ্মা ৩০টা বলৰ বেছি টিকিব নোৱাৰিব বুলি বাজী ধৰিছিল যুৱকজনে।
যদিহে ৰোহিতে ৩০টা বলৰ বেছি খেলিব পাৰে, তেন্তে নিজৰ আধা গোঁফ কাটি পেলাব বুলি টুইটাৰত প্ৰতিশ্ৰুতি দিছিল যুৱকজনে।
ইপিনে, ৰোহিতে ৭৭টা বল খেলি ২৬ৰাণ কৰাত অজয়ে সেই ছবিখনো টুইটাৰত প’ষ্ট কৰিলে। ভাৰতীয় ক্ৰিকেট অনুৰাগীগৰাকীৰ এই বলিয়ালিয়ে ছচিয়েল মিডিয়াত সৰস চৰ্চা লাভ কৰিছে।
ক্ৰিকেটক লৈ বাজী ধৰাটো সাধাৰণ কথা যদিও আধা গোঁফ কাটি পেলোৱাৰ দৰে বাজী ধৰাটো অৱশ্যেই কিছু অধিক বলিয়ালি। তাতেই আকৌ ৰোহিত শৰ্মাৰ দৰে বেটছমেনৰ ক্ষেত্ৰত ধৰা বাজী।
ৰোহিতে প্ৰথমবাৰৰ বাবে টেষ্ট মেচত বিদেশৰ মাটিত ভাৰতৰ হৈ অ’পেনিং কৰিছে। তথাপি ৩০টা বলৰ বাজী ধৰি বাংগালোৰৰ যুৱকজনে বুৰ্বকামি কৰা বুলিয়েই ভাৱে সকলোৱে। সেয়ে, তেওঁ ইয়াৰ মূল্যও ভৰিবলগীয়াও হ’ল।
