গাৰ নোম শিঁয়ৰি উঠা ঘটনা এটা সংঘটিত হৈছে দেশৰ ৰাজধানী চহৰ নতুন দিল্লীত।
এটি ১৩ বছৰীয়া কিশোৰৰ লিংগ পৰিৱৰ্তন কৰি কিশোৰটিৰ ওপৰত যৌন নিৰ্যাতন চলাই যোৱাৰ লগতে কিশোৰটিক দেহ ব্যৱসায়ত লিপ্ত কৰোৱাৰ ঘটনা পোহৰলৈ অহাৰ পিছতে দেশ জুৰি তীব্ৰ প্ৰতিক্ৰিয়াৰ সৃষ্টি হৈছে।
১৩ বছৰীয়া কিশোৰটিক দুৰ্বৃত্তৰ দলটোৱে দিল্লীৰ লক্ষ্মীনগৰ অঞ্চলৰ পৰা মাণ্ডভালি অঞ্চললৈ লৈ যাৈয় আৰু তাতেই কিশোৰটিৰ অস্ত্ৰোপচাৰ কৰি লিংগ পৰিৱৰ্তন কৰা হয়।
সৰুৰে পৰা নাচি ভালপোৱা কিশোৰটিক নাচ শিকোৱাৰ চলেৰে দুৰ্বৃত্তৰ দলটোৱে মাণ্ডাভালিলৈ নিছিল।
লিংগ পৰিৱৰ্তৰ পিছতে কিশোৰটিৰ ওপৰত দুৰ্বৃত্তৰ দলটোৱে আৰম্ভ কৰে যৌন নিৰ্যাতন।
গণ ধৰ্ষণৰ বলি হোৱা কিশোৰটিয়ে এজন বন্ধুৰ সহায়ত সেই স্থানৰ পৰা পলায়ন কৰিবলৈ সক্ষম হৈছিল যদিও দুৰ্বৃত্তৰ দলটোৱে কিশোৰটিক বিচাৰি আনি পুনৰ আৰম্ভ কৰি যৌন নিৰ্যাতন।
এদিন পুনৰ কিশোৰটিয়ে পলাই আহি দিল্লীৰ ৰে’ল ষ্টেছনত লুকাই থকাৰ সময়তে এজন আইনজীৱীয়ে কিশোৰটিক দেখা পাই তেওঁক উদ্ধাৰৰ ব্যৱস্থা কৰে।
কিশোৰটিৰ মুখেৰে সকলো কথা শুনাৰ পিছত লোকজনে দিল্লীৰ মহিলা আয়োগক এই বিষয়ে অৱগত কৰে।
মহিলা আয়োগৰ তৎপৰতাতে কিশোটিৰ লিংগ পৰিৱৰ্তন কৰি যৌন নিৰ্যাতন চলোৱা ৬ অভিযুক্তক আৰক্ষীয়ে গ্ৰেপ্তাৰ কৰিবলৈ সক্ষম হয়।
