বুধবাৰৰ পৰা তিনিদিনীয়া কাৰ্যসূচীৰে অনুষ্ঠিত হোৱা একশৰণ ভাগৱতী সমাজৰ অষ্টপ্ৰহৰ পালনামত নিমন্ত্রিত অতিথি হিচাপে স্বাস্থ্য আৰু বিত্ত মন্ত্ৰী হিমন্ত বিশ্ব শৰ্মাক নিমন্ত্ৰণ কৰিছিল যদিও নিৰ্ধাৰিত কাৰ্যসূচীৰ পূৰ্বেই বুধবাৰে নিশাই উপস্থিত হয় মন্ত্ৰী হিমন্ত বিশ্ব শৰ্মা।
অৱশ্যে বৃহস্পতিবাৰে মন্ত্ৰী শৰ্মাৰ দ্বাৰা স্থাপন হ’বলগীয়া আধাৰশিলা ও লাইখুটা স্থাপন কৰে জলসম্পদ মন্ত্ৰী কেশৱ মহন্তই।
উল্লেখযোগ্য যে, চাৰিকোটি ৭৮ লাখ টকা ব্যয়ৰে কলিয়াবৰত নিৰ্মাণ হ’ব একশৰণ ভাগৱতী সমাজ, অসমৰ কেন্দ্ৰীয় পালনাম থান।
কেন্দ্ৰীয় পালনাম থানলৈ আগন্তুক নিৰ্বাচনৰ পূৰ্বেই ৫০ লাখ টকা অনুদানৰ ঘোষণা কৰে মন্ত্ৰী হিমন্ত বিশ্ব শৰ্মাই।
আনহাতে, তিনিদিনীয়া কাৰ্যসূচীৰে অনুষ্ঠিত হোৱা একশৰণ ভাগৱতী সমাজৰ অষ্টপ্ৰহৰ পালনামলৈ অসমৰ বিভিন্ন প্ৰান্তৰ পৰা সমবেত হোৱা আই-মাতৃ-বাপ-বান্ধৱে সমস্বৰে গালে “কৃষ্ণ হৰি ৰাম হৰি ৰাম ৰাম”।
লগতে ভকত-বৈষ্ণৱে যোৰা হৰিনামৰ ধ্বনিৰে মুখৰিত হয় একশৰণ ভাগৱতী সমাজৰ কলিয়াবৰৰ কেন্দ্ৰীয় পালনাম ক্ষেত্ৰ।
শুকুৰবাৰে বিয়লি অন্ত পৰিব তিনিদিনীয়াকৈ অনুষ্ঠিত অষ্টপ্ৰহৰ পালনামৰ।
