সদৌ অসম জিলা প্ৰশাসন কৰ্মচাৰী সন্থাৰ বিশ্বনাথ জিলা সমিতিয়ে দুদিনীয়া কাৰ্যসূচীৰে সমগ্ৰ অসমৰ লগতে বিশ্বনাথ জিলা উপায়ুক্ত কাৰ্যালয়ৰ সন্মুখতো অসহযোগ কাৰ্যসূচী ৰূপায়ন কৰে।
বিশেষকৈ নিযুক্তিৰ শিক্ষাগত অৰ্হতা অনুসৰি উপাযুক্ত সংস্থাপনৰ লগতে ৩য় বৰ্গৰ কৰ্মচাৰীসকলক গ্ৰেজুৱেট গ্ৰেড পে প্ৰদান কৰা, নতুন পেঞ্চন আঁচনি বাতিল কৰি পুৰণি পেঞ্চন আচঁনিৰ পুনৰ প্ৰৱৰ্তন কৰা ইত্যাদি বহু কেইটা গুৰুত্বপূৰ্ণ দাবীৰে প্ৰতিবাদকাৰীসকলে প্ৰতিবাদ সাব্যস্ত কৰে।
ইপিনে, প্ৰতিবাদকাৰী কৰ্মচাৰীসকলে স্পষ্টকৈ হুংকাৰ দিয়ে যে যদি প্ৰতিবাদকাৰীসকলৰ দাবী অতি সোনকালে পুৰণ কৰা নহয়, তেন্তে আগন্তুক বিধানসভা নিৰ্বাচনৰ সকলো কাম বৰ্জ্জন কৰা হ’ব।
আজি সদৌ অসম জিলা প্ৰশাসন কৰ্মচাৰী সন্থাৰ বিশ্বনাথ জিলা সমিতিৰ উদ্যোগত কৰ্মচাৰীসকলে কাৰ্যালয়ৰ কামকাজ এৰি প্ৰতিবাদত চামিল হয়।
