‘সঠিক স্বীকৃতিপত্ৰ’ অবিহনে পতঞ্জলীয়ে প্ৰস্তুত কৰা কৰনিল টেবলেট মহাৰাষ্ট্ৰত বিক্ৰী কৰিবলৈ দিয়া নহ’ব। ৰাজ্যখনৰ গৃহমন্ত্ৰী অনিল দেশমুখে মঙলবাৰে এইদৰে কয়।
ইণ্ডিয়ান মেডিকেল এচ’চিয়েনে সোমবাৰে কৈছিল যে পতঞ্জলীয়ে যোৱা ১৯ ফেব্ৰুৱাৰীত ঔষধিবধৰ বাবে বিশ্ব স্বাস্থ্য সংস্থাৰ পৰা স্বীকৃতিপত্ৰ পোৱা বুলি ক’লেও সংস্থাটোৱে ইয়াক অস্বীকাৰ কৰাৰ পাছত প্ৰমাণ হ’ল যে পতঞ্জলীৰ দাবীটো আছিল নিৰ্লজ্জভাৱে মিছা।
পতঞ্জলীয়ে দাবী কৰিছিল যে ক’ৰনিলে প্ৰামাণিকভাৱে ক’ভিড-১৯ক বশ কৰিব পাৰিব।
ইণ্ডিয়ান মেডিকেল এচ’চিয়েনে কেন্দ্ৰীয় স্বাস্থ্যমন্ত্ৰী হৰ্ষবৰ্ধনকো এটা বিবৃত্তি দিবলৈ দাবী কৰিছে, কাৰণ ক’ৰনিলৰ উন্মোচন কাৰ্যসূচীত স্বাস্থ্যমন্ত্ৰীও উপস্থিত আছিল।
মহাৰাষ্ট্ৰৰ গৃহমন্ত্ৰীজনে কয় যে বিশ্ব স্বাস্থ্য সংস্থাই প্ৰত্যাখ্যান কৰা দৰৱবিধক দেশৰ স্বাস্থ্যমন্ত্ৰীজনে অনুমোদন জনোৱাটো দুৰ্ভাগ্যজনক।
