নিৰ্বাচনৰ দিন চমু চাপি অহাৰ লগে লগে ব্যস্ততা বাঢ়িছে ৰাজনৈতিক দল তথা দলীয় নেতা কৰ্মী সকলৰ।
মাণিকপুৰত আয়োজিত বুথ সন্মিলনি সংকল্প সভাত ৰাজ্য আৰু কেন্দ্ৰত অমানুহৰ চৰকাৰ চলিছে বুলি মন্তব্য কৰে বিধায়ক আব্দুল হাই নাগৰীয়ে ।
যি চৰকাৰে মানুহৰ কথা চিন্তা নকৰি জাতপাতৰ ৰাজনীতি কৰে, সাম্প্ৰদায়িক বিষবাস্প বিয়পায় আৰু চৰকাৰী সম্পদ বিক্ৰী কৰি নিজৰ মুনাফা আদায় কৰে।
অসমত দুজন মূখ্যমন্ত্ৰী আছে, তাৰে সৰ্বানন্দ সোণোৱালে পুতলাৰ দৰে কাম কৰে আৰু হিমন্ত বিশ্ব শৰ্মাই সকলো পৰিচালনা কৰে।
আজি মানিকপুৰ বজাৰ গৃহত ব্লক কংগ্ৰেছৰ সভাপতি নাছিৰ উদ্দিন আহম্মেদৰ সভাপতিত্বত অনুষ্ঠিত সভাত
সভাত স্হানীয় বিধায়ক আব্দুল হাই নাগৰীয়ে আদৰণি ভাষনত এইদৰে কয় ।
বিজেপি চৰকাৰে ৰাজ্যত হিংসা বিদ্বেষ সৃষ্টি কৰি ভাতৃত্ববোধ বিনষ্ট কৰিছে বুলি কয় নাগৰিয়ে। ছত্তীছগঢ়ৰ পৰা অহা বুথ প্ৰশিক্ষক ৰাজেন্দ্ৰ শাহুৱে নৰেন্দ্ৰ মোডী চৰকাৰক সমালোচনা কৰি সীমা পাৰ কৰি মোডী চৰকাৰে দেশত শান্তি সম্প্ৰীতি বিনষ্ট কৰাৰ লগতে দেশৰ সম্পদ বিক্ৰী কৰি আছে।
দেশৰ অৰ্থনৈতিক অৱস্থা ধ্বংসৰ মুখলৈ ঠেলি দিছে বুলি শাহুৱে কয়।আনহাতে বঙাইগাঁও জিলা কংগ্ৰেছৰ তত্বাৱধায়ক মেহদি আলমে উপস্থিত থকা হেজাৰ হেজাৰ কংগ্ৰেছ কৰ্মীক কংগ্ৰেছক ভোট দিবলৈ শপত বাক্য পাঠ কৰায়।
সভাত জিলা কংগ্ৰেছৰ প্ৰাক্তন সভাপতি আবুল কাশেম, সৃজনগ্ৰাম ব্লক কংগ্ৰেছৰ সভাপতি আফছেৰ আলী, প্ৰাথিত্ব প্ৰত্যাশী ৰমিজ উদ্দিন, জেবিন আৰা আহমেদ, কৰিম বনিয়াই ভাষণ দিয়ে ।
সভাত নুৰুল ইছলাম, ওমেদ আলী মণ্ডল, আব্দুল বাতিন, লিয়াকত আলী আহমেদ, নাজিমা খাতুন, কৰিম বনিয়া আদি কৰি প্ৰায় ১৬ জন কংগ্ৰেছৰ প্ৰাৰ্থীত্ব প্ৰত্যাশীয়ে উপস্থিত থাকে। আনহাতে বুথ সংকল্প শিৱিৰৰ সভাৰ বাবে বাহিৰত আৰি দিয়া বৃহৎ বেনাৰত ১৬ জন দাবীদাৰৰ ফটো দেখা যায় যদিও স্থানীয় বিধায়ক আব্দুল হাই নাগৰিৰ ফটো দেখা নাযায়।
এই কাৰ্যক একাংশ কংগ্ৰেছ কৰ্মীয়ে প্ৰতিক্ৰিয়া প্ৰকাশ কৰাৰ লগতে আন একাংশই বিসম্বাদৰ বহি:প্ৰকাশ বুলি কয়।
যি সময়ত আন আন দলে নিজৰ ভেটি মজবুত কৰাত ব্যস্ত তেনে সময়তে কংগ্ৰেছৰ মাজত এনে কায্যই সচেতন মহলে সহজভাৱে লব পৰা নাই।
আনহাতে ৰঙাপানী আৰু ভালাৰচৰ গাওঁ পঞ্চায়তৰ পৰা শতাধিক অগপ কৰ্মী আনুষ্ঠানিকভাৱে কংগ্ৰেছত যোগদান কৰে।
