গোৱালপাৰা পূব বিধান সভা সমষ্টিৰ অন্তৰ্গত তথা অসম-মেঘালয় সীমান্তৱৰ্তী কুকুৰকাটা অঞলৰ ৭/৮ গাওঁৰ ৰাইজে বছৰৰ পিছত বছৰ ধৰি নৰক যন্ত্ৰণা ভোগ কৰি দিন অতিবাহিত কৰিব লগা হৈছে ৷
৭৪ বছৰ পিছতো কোনো এখন চৰকাৰৰ সু দৃষ্টি নপৰিল সীমান্তৱৰ্তী এই অঞ্চল সমূহত৷
সকলো পিনে সমস্যাই বেৰি ৰাখিছে কুকুৰকাটাৰ টিকলিপাৰাক । এই অঞ্চলৰ যদিও যাতায়ত ব্যৱস্থা অতি পয়ালগা ৷
আনৰ কথা বাবে কণকণ ছাত্ৰছাত্ৰীসকলেও মৰণত শৰণ দি যাত্ৰা কৰি ঐআহিব লগীয়া হৈছে।
টিকিলি পাৰা গাওঁখনৰ এক মাত্ৰ প্ৰাথমিক বিদ্যালয় খন নৈ খনৰ সিটো পাৰে অৱস্থিত আৰু সেইবাবেই পুৱাতে গাঁৱখনৰ ছাত্ৰছাত্ৰীসকলে জিনাৰী নৈৰ বুকুত কৰিবলগীয়া হয় ভয়ংকৰ যাত্ৰা৷
গাওঁখনৰ বাবে এইটো নিত্যনৈমিত্তিক ঘটনা৷
অসম-মেঘালয় সীমান্তৰ অকল কুকুৰকাটাৰ টিকলিপাৰাই নহয়, অঞ্চলটোৰ গাৰোমাৰা,সৰগ পাৰা আদিকে ধৰি ৭/৮ গাৱঁৰ অকল ছাত্ৰছাত্ৰীয়েই নহয় ,সকলোৱেই বাৰিষা বা খৰালি সকলো সময়তে জিনাৰীৰ বক্ষ ফালি যাত্ৰা কৰিব লাগে ৷
বাৰিষাৰ পৰিস্থিতি অতি ভয়ংকৰ হয় ৷
ক’বলৈ গলে বাৰিষা এই অঞ্চল সমূহ এটা দ্বীপত পৰিণত হয় ৷
দীৰ্ঘ দিন ধৰি স্থানীয় লোকে নৈ খনত এখন দলং নিৰ্মাণৰ দাবী কৰি আহিছে যদিও স্বাধীনতাৰ ৭৪ বছৰ পিছতো এখন দলং ন’হল ৷
বিগত সময়ছোৱাত বহুত আবেদন-নিবেদন কৰিলেও কোনো এখন চৰকাৰৰ সুদৃষ্টি নপৰিল ৷
মাথো নিৰ্বাচনৰ প্ৰাক্ মূহুৰ্তত এনে অঞ্চল সমূহলৈ আগমন ঘটে বিভিন্ন দলৰ নেতা পালিনেতাৰ তাৰ পিছত খবৰ কৰাৰ বাবে কোনো নাথেকে ৷
স্থানীয় কংগ্ৰেছী বিধায়ক এ কে ৰছিদ আলমৰো নাই কোনো খবৰা৷
পাচঁ বছৰ আগত যে আহিছিল তাৰপিছত আৰু কেনো দিনে নাহিলে এই অঞ্চলত৷
নৈ খনৰ সিটো পাৰে থকা একমাত্ৰ বিদ্যালয়লৈ ছাত্ৰ-ছাত্ৰী সকলক প্ৰতিটো দিনে নৈ পাৰ কৰি অনা-নিয়া কৰে শিক্ষক সকলে ।
নৈ পাৰ হওঁতে কাপোৰ,কিতাপৰ লগতে প্ৰতিটো দিনে তিতিবুৰি আহিব লাগে ছাত্ৰছাত্ৰী সকলো ৷
ইফালে বাৰিষা নৈৰ পানী বাঢ়িলে বিকল্প বাট নথকাৰ বাবে বন্ধ হৈ পৰে বিদ্যালয় ৷
ইমানৰ পিছতো খবৰ নাই চৰকাৰ-প্ৰশাসনৰ ৷
এনে বহু সমস্যাৰে ভাৰাক্ৰান্ত সীমান্তবাসীয়ে হাহাকাৰ অৱস্থাৰ মাজেৰে দিন অতিবাহিত কৰিছে ৷
এতিয়া নিৰ্বাচনৰ বতৰ ,অঞ্চল সমূহলৈ আগমন ঘটিছে দুই একৰ ৷
এতিয়া প্ৰশ্ন হল এই বাৰ নতুনকৈ গঠন হবলগীয়া চৰকাৰ খনৰ সুদৃষ্টি পৰিবনে ? নে আগৰ দৰে উপেক্ষিত হৈ ৰ’ব সীমান্তৱৰ্তী কুকুৰকাটাৰ টিকিলি পাৰা৷
