কলিয়াবৰত কংগ্ৰেছ দলৰ প্ৰাৰ্থিত্ব লাভ কৰা প্ৰশান্ত কুমাৰ শইকীয়াক বিপুল আদৰণি জনাইছে কংগ্ৰেছ কৰ্মী তথা অনুৰাগীসকলে।
৮৯ নং কলিয়াবৰ বিধানসভা সমষ্টিৰ মিছাৰ পৰা বিশাল বাইক ৰেলী কৰি দলীয় কৰ্মী আৰু শুভাকাংক্ষীসকলে আদৰি আনে প্ৰশান্ত কুমাৰ শইকীয়াক।
মিছাৰ শিৱ মন্দিৰত সেৱা জনাই প্ৰাৰ্থীজনে শুভাকাংক্ষীসকলৰ সহিতে হাতীগাওঁ , কলিয়াবৰ তিনিয়ালী,উলুৱনী,নলতলীকে ধৰি বিভিন্ন অঞ্চলৰ মাজেৰে ৰেলী কৰে। ঐতিহ্য মণ্ডিত ভঁৰালী নামঘৰতো সেৱা জনায় শইকীয়াই।
শুভাকাংক্ষী সকলে পথৰ মাজে মাজে ফুলাম গামোচাৰে আদৰাৰ লগতে প্ৰশান্ত কুমাৰ শইকীয়া জিন্দাৱাদ ধ্বনিৰে কলিয়াবৰৰ আকাশ বতাহ কঁপাই তোলে কংগ্ৰেছৰ কৰ্মী সকলে।
উল্লেখ্য যে, কলিয়াবৰত এইবাৰ অগপৰ কেশৱ মহন্তক ৰুধিবলৈ কংগ্ৰেছ দলে প্ৰশান্ত শইকীয়াক প্ৰাৰ্থিত্ব আগবঢ়াইছে।
সেইদৰে কলিয়াবৰৰ ৰাইজেও এইবাৰ অগপৰ দুৰ্গত কংগ্ৰেছৰ সমৰ্থনত দলে-বলে ওলাই অহা পৰিলক্ষিত হৈছে।
