মেছিৰ নিচিনা কিন্তু মেছি নহয়!
হয়, বিশ্বৰ ফুটবল জগতত দপদপাই থকা লিঅ’নেল মেছিৰ দৰে দেখাত একেই এজন মানুহে সংবাদ শিৰোনামা দখল কৰিছে।
ইজিপ্টৰ জাগাজিগ নামৰ চহৰখনৰ বাসিন্দা ইছলাম মহম্মদ ইব্ৰাহিম বাট্টাহ নামৰ লোকজনক চহৰখনৰ শিশুসকলে মেছি বুলিয়েই ভাবে।
২৭ বছৰীয়া ইছলাম বাট্টাহ পেছাত এগৰাকী চিত্ৰকৰ।
দেখাত মেছিৰ দৰে একে বাবে তেওঁক স্থানীয় শিশুসকলে প্ৰায়ে ঘেৰি ফুৰাৰ বাবে শেহতীয়াকৈ মেছিয়ে খেলা ফুটবল ক্লাব বাৰ্চিলোনাৰ জাৰ্চি পৰিধান কৰি মেছিৰ দৰে ফটোত প’জ দিয়ে।
”যেতিয়াই মই মোৰ দাঢ়ি দীঘল কৰিবলৈ ধৰিলে, মোৰ বন্ধুসকলে কয় যে মোক দেখিবলৈ মেছিৰ দৰে লাগিছে। যেতিয়া মোৰ দাঢ়ি অধিক দীঘল কৰিলো, সাদৃশ্যটো অতি স্পষ্ট হৈ পৰিল।”- ইছলাম বাট্টাহে কয়।
”মোৰ আৰু মেছিৰ মাজত সাদৃশ্যতাক লৈ শিশুসকলৰ আনন্দ অনিৰ্বচনীয়। যেতিয়া তুমি কাৰোবাক সুখী কৰা, ঈশ্বৰে তোমাক পুৰস্কাৰ দিয়ে। মই এই আনন্দ তেওঁলোকৰ স’তে ভগাই ল’ব বিচাৰে।”- তেওঁ কয়।
