ৰাজ্যত ক’ৰনাৰ সংক্ৰমণৰ গতি ক্ৰমাৎ বৃদ্ধি পাই আহিছে। কৰ’নাৰ দ্বিতীয়টো ঢৌ আৰম্ভ হোৱা ৰাজ্যখনত সোমবাৰে নতুনকৈ ৫৮৩ গৰাকী লোক কৰ’নাত আক্ৰান্ত হৈছে।
অৱশ্যে সোমবাৰৰ দিনটোত কৰ’নাত আক্ৰান্ত হৈ কোনো লোকৰ মৃত্যু ঘটা নাই।
সোমবাৰৰ দিনটোত অকল কামৰূপ মহানগৰ জিলাতে কৰ’নাত আক্ৰান্ত হৈছে ১৯৩ গৰাকী লোক। সেইদৰে, সৰ্বাধিক আক্ৰান্ত আন জিলাসমূহৰ ভিতৰত কামৰূপ গ্ৰাম্য জিলাত ৪৮ গৰাকী, ডিব্ৰুগড় জিলাত ৪৩ গৰাকী আৰু নগাঁও জিলাত ২৯ গৰাকী লোক কৰ’নাত আক্ৰান্ত হৈছে।
ৰাজ্যখনত এই দিনটোত মুঠ ১,০২,১৮২ গৰাকী লোকৰ কৰ’না টেষ্ট কৰা হৈছিল। সেইদৰে, এই দিনটোত আৰোগ্য লাভ কৰা লোকৰ সংখ্যা হৈছে ৯৮গৰাকী।
ৰাজ্যখনত এতিয়া মুঠ সক্ৰিয় কৰ’না ৰোগীৰ সংখ্যা হৈছে ২,৩৮৭গৰাকী।
আনহাতে, ৰাজ্যখনত দেওবাৰে নতুনকৈ ৩৫২ গৰাকী লোক কৰ’নাত আক্ৰান্ত হৈছিল।
দেওবাৰে ৰাজ্যখনত কৰ’নাত এগৰাকী লোকৰ মৃত্যু হৈছিল। কৰ’নাত আক্ৰান্ত হৈ মৃত্যু হোৱা লোকগৰাকী লখিমপুৰৰ আছিল।
দেওবাৰৰ দিনটোত অকল কামৰূপ মহানগৰ জিলাতে কৰ’নাত আক্ৰান্ত হৈছিল ১৮৬ গৰাকী লোক। সেইদৰে, আন জিলাসমূহৰ ভিতৰত ডিব্ৰুগড় জিলাত ২৩ গৰাকী, নগাঁও জিলাত ১৮ গৰাকী আৰু তিনিচুকীয়াত ১৭গৰাকী লোক কৰ’নাত আক্ৰান্ত হৈছিল।
সেইদৰে, শনিবাৰে ৰাজ্যখনত ৪০৫ গৰাকী লোক কৰ’নাত আক্ৰান্ত হৈছিল।
সেই দিনটোত কৰ’নাত ২গৰাকী লোকৰ মৃত্যু হৈছিল। ইয়াৰে এগৰাকী আছিল বাক্সা জিলাৰ আৰু এগৰাকী কামৰূপ মহানগৰ জিলাৰ।
শনিবাৰৰ দিনটোত অকল কামৰূপ মহানগৰ জিলাতে কৰ’নাত আক্ৰান্ত হৈছিল ১৪৫ গৰাকী লোক। সেইদৰে, কামৰূপ গ্ৰাম্য জিলাত ২৮ গৰাকী, বৰপেটা জিলাত ২৩ গৰাকী আৰু ডিব্ৰুগড়ত ২৩ গৰাকী লোক কৰ’নাত আক্ৰান্ত হৈছিল।
ৰাজ্যখনত আৰম্ভণিৰে পৰা এতিয়ালৈকে মুঠ কৰ’নাত আক্ৰান্ত হোৱা ৰোগীৰ সংখ্যা হৈছে ২,২০,৮৯৩ গৰাকী। সেইদৰে কৰ’নাত মৃত্যু হোৱা মুঠ লোকৰ সংখ্যা হৈছে ১,১১৮গৰাকী। এতিয়ালৈকে কৰ’নাৰ পৰা আৰোগ্য লাভ কৰিছে মুঠ ২,১৬,০৪১ গৰাকীয়ে।
