খাদ্য পৰিৱেশনত পলম কৰাৰ বাবে গ্ৰাহকৰ পৰা আক্ৰমণৰ সম্মুখীন হ’ল ৰেষ্টুৰেণ্টৰ গৰাকী।
আনকি এখন কাণো চিঙি যায় গৰাকীজনৰ।
চেন্নাইত সংঘটিত হৈছে এই চাঞ্চল্যকৰ ঘটনা।
অভিযোগ অনুসৰি, অৰুণ কুমাৰ আৰু শিৱ নামৰ দুজন লোকে চেন্নাইৰ বেলিপালায়মস্থিত দেৱী থিয়েটাৰত চিনেমা চাবলৈ গৈছিল।
চিনেমাহলত সোমোৱাৰ আগমুহূৰ্তত দুয়ো এখন ৰেষ্টুৰেণ্টত খাদ্য খাবলৈ সোমাই।
লোক দুজনে যিখন টেবুলত বহিছিল, ৰেষ্টুৰেণ্টখনৰ ৱেইটাৰে লোক দুজনৰ বিপৰীতে কাষৰ টেবুলসমূহতহে খাদ্যৰ যোগান ধৰি আছিল।
তেওঁলোকক অৱজ্ঞা কৰাৰ অভিযোগত দুয়োজনে ৰেষ্টুৰেণ্ট কৰ্তৃপক্ষৰ স’তে তৰ্কা-তৰ্কিত লিপ্ত হয়।
তৰ্কা-তৰ্কী মাৰ-ধৰলৈ ৰূপান্তৰ ঘটে।
লোক দুজনে এখন ধাৰাল ছুৰি বুটলি লয় আৰু ৰেষ্টুৰেণ্টৰ গৰাকীজনৰ কাণ দুখন কাটি পেলায়।
গৰাকীজনে ততালিকে হস্পিতাললৈ ৰাওনা হয় আৰু আৰক্ষীক খবৰ দিয়ে।
আৰক্ষীয়ে বৰ্তমান দুয়োজন লোককে আটক কৰি জেৰাত ৰাখিছে।
