কটন বিশ্ববিদ্যালয়ৰ UG 1st semister ৰ একাংশ ছাত্ৰ ছাত্ৰীয়ে আজি সংবাদমেল সম্বোধন কৰে।
কলাগুৰু বিষ্ণু প্ৰসাদ ৰাভা প্ৰেক্ষাগৃহৰ বাহিৰত সংবাদমেল সম্বোধন কৰে ছাত্ৰ-ছাত্ৰীসকলে।
অহা ২৩ তাৰিখৰ পৰা পৰীক্ষা অনুষ্ঠিত হোৱাৰ কথা আছিল। সোমবাৰে ইতিমধ্যে পৰীক্ষা অনুষ্ঠিত হ’ব বুলি জাননী জাৰি কৰে বিশ্ববিদ্যালয় কৰ্তৃপক্ষই।
কিন্তু এই অফ লাইন পৰীক্ষা দিবলৈ ইচ্ছুক নহয় প্ৰায় সংখ্যক ছাত্ৰ-ছাত্ৰী। এই কথা সংবাদমেলত জনায় মৃগাংক কাশ্যপ নামৰ এজন ছাত্ৰই।
তেওঁ সংবাদমেলত অন লাইন পৰীক্ষা পাতিবলৈ নহ’লে পিছুৱাই দিবলৈ দাবী জনায়।
ইতিমধ্যে কটনত এতিয়ালৈ ৮/৯জন পজিটিভ ওলাইছে। তাৰ মাজত ছাত্ৰ-ছাত্ৰী আৰু অধ্যাপক-অধ্যাপিকাও আছে।
তাৰ পাছতো বিশ্ববিদ্যালয় কৰ্তৃপক্ষই নিজ ইচ্ছাৰে ছাত্ৰ-ছাত্ৰীৰ সুৰক্ষাৰ কথা নাভাবি অফলাইন পৰীক্ষা অনুষ্ঠিত কৰিছে। সেয়েহে, স্বাস্থ্যমন্ত্ৰী ডঃ হিমন্ত বিশ্ব শৰ্মাক ব্যৱস্থা গ্ৰহণৰ বাবে আহ্বান জনাইছে কটনিয়ানসকলে।
উল্লেখযোগ্য যে, পৰীক্ষা অনলাইনযোগে অনুষ্ঠিত কৰিবলৈ বা পিছুৱাবলৈ কৰ্তৃপক্ষক দাবী জনাই স্মাৰক পত্ৰ প্ৰদান কৰিছিল যদিও এতিয়ালৈকে কোনো ব্যৱস্থা গ্ৰহণ নকৰি পৰীক্ষা অনুষ্ঠিত কৰাৰহে জাননী দিয়ে কৰ্তৃপক্ষই।
