গুজৰাটৰ আহমেদাবাদত কৰ্মৰত বোকাখাতৰ কমাৰগাওঁৰ এজন লোক কোভিড-১৯ত আক্ৰান্ত হৈ মৃত্যু ঘটিছে। মৃত লোকজনৰ নাম বিৰাজ বৰা। তেওঁৰ বয়স আছিল বয়স ৪০ বছৰ।
আহমেদাবাদৰ এছ এছ জি হাস্পাতলত কোভিডত আক্ৰান্ত হোৱা বিৰাজ বৰাৰ যোৱা বুধবাৰে নিশা মৃত্যু হয়।
যোৱা প্ৰায় চাৰি বছৰ ধৰি আহমেদাবাদত এটা কেফেটেৰিয়াৰ গুডাম কীপাৰ হিচাপে কৰ্মৰত হৈ আছিল বিৰাজ বৰা।
যোৱা ১৩ এপ্ৰিলৰ পৰা বিৰাজ বৰা কোভিডত আক্ৰান্ত হৈ এছ এছ জি হাস্পাতলৰ কোভিড কেয়াৰ চেন্টাৰত চিকিৎসাধীন হৈ আছিল।
,মৃত্যুৰ পিছত কোভিড প্ৰট’কল অনুসৰি নিশাই বিৰাজ বৰাৰ অন্ত্যেষ্টিক্ৰিয়া আহমেদাবাদতেই সম্পন্ন কৰা হয়।
বিৰাজৰ প্ৰকৃত ঘৰ বোকাখাত মহকুমাৰ কমাৰগাঁৱৰ বনগাঁৱত।
পুত্ৰৰ অধ্যয়নৰ বাবে মৃত বিৰাজ বৰাৰ পত্নী মামু বৰা পুত্ৰসহ বোকাখাতৰ খ্ৰীষ্টজ্যোতি হাইস্কুলৰ সমীপৰ এটা ভাড়াঘৰতে আছিল।
বিৰাজ বৰাৰ অকাল মৃত্যুত দুৰ্ভগীয়া পৰিয়ালটোলৈ অন্ধকাৰ নামি আহিছে ৷
