ক’ভিডৰ দ্ধিতীয় ঢৌত শিৱসাগৰত দৈনিক বৃদ্ধি পাই আছে ক’ভিড আক্ৰান্তৰ সংখ্যা। আজি শিৱসাগৰত প্ৰথমগৰাকী ক’ভিড ৰোগীৰ মৃত্যু হয়।
মৃত ব্যক্তিগৰাকীৰ নাম তমিজুৰ ৰহমান বুলি জানিব পৰা গৈছে। শিৱসাগৰৰ কোঁৱৰপুৰৰ বাসিন্দা তথা অ’এনজিচিৰ প্ৰাক্তন বিষয়া তমিজুৰ ৰহমান পাঁচদিন ধৰি ডিব্ৰুগড়ৰ এখন ব্যক্তিগত চিকিৎসালয়ত চিকিৎসাধীন হৈ আছিল।
তেওঁৰ মৃতদেহ ইতিমধ্যে ডিব্ৰুগড়ৰৰ পৰা অনা হৈছে বুলি জানিব পৰা গৈছে।
আনহাতে শিৱসাগৰত দৈনিক বৃদ্ধি পাই আছে ক’ভিড আক্ৰান্তৰ সংখ্যা। জিলাখনত আজি ৫৩ গৰাকী ব্যক্তিৰ শৰীৰত কভিড পজিটিভ ধৰা পৰে।
শিৱসাগৰত বৰ্তমানলৈকে ৩০৮ গৰাকী ব্যক্তি ক’ভিডত আক্ৰান্ত হৈ বিভিন্ন চিকিৎসালয়ত চিকিৎসাধীন হৈ থকাৰ লগতে চিকিৎসকৰ পৰামৰ্শ মতে হোম কুৱাৰেন্টাইন হৈ আছে।
ইপিনে সমগ্ৰ ৰাজ্যৰ লগতে শিৱসাগৰতো আজি নিশা ৮ বজাৰ পৰা পুৱা ৫ বজালৈ নৈশ সান্ধ্য আইন জাৰি কৰা হৈছে। এই নৈশ সান্ধ্য আইন আজিৰে পৰা কাৰ্যকাৰী হোৱাকৈ ১ মে লৈকে বাহাল থাকিব।
