দেশত প্ৰতিদিনে হোৰাহোৰে বৃদ্ধি পাইছে কৰোনাক্ৰান্তৰ সংখ্যা।
কেন্দ্ৰীয় স্বাস্থ্য আৰু পৰিয়াল কল্যাণ মন্ত্ৰণালয়ৰ শেহতীয়া তথ্য মতে যোৱা ২৪ ঘণ্টাত দেশত কৰোনা ভাইৰাছত আক্ৰান্ত লোকৰ সংখ্যা হৈছে ৩,৭৯,২৫৭ গৰাকী।
ইয়াৰ ফলত দেশত কৰোনাক্ৰান্ত সংখ্যা ১,৮৩,৭৬,৫২৪ গৰাকীলৈ বৃদ্ধি পাইছে। মন্ত্ৰণালয়ৰ মতে ২৪ ঘণ্টাত দেশত অভিলেখ সংখ্যক লোক কৰোনা ভাইৰাছত আক্ৰান্ত হৈছে।
মন্ত্ৰণালয়ে প্ৰকাশ কৰা অনুসৰি যোৱা ২৪ ঘণ্টাত দেশত কৰোনাক্ৰান্তৰ মৃত্যুৰ সংখ্যাই ৩০০০ অতিক্ৰম কৰিছে। যোৱা ২৪ ঘণ্টাত মৃত্যু হৈছে ৩,৬৪৫ গৰাকী কোভিড আক্ৰান্তৰ। পৰিসংখ্যাৰ মতে যোৱা ১৪ ঘণ্টাত কৰোনাক্ৰান্তৰ মৃত্যুৰ হাৰ হৈছে ১.১২ শতাংশ।
ইফালে কৰোনাৰ পৰা আৰোগ্য লাভ কৰা লোকৰ সংখ্যা হৈছে ১,৫০,৮৬,৮৭৮ গৰাকী।
৩০,৮৪,৮১৪ গৰাকী আক্ৰান্ত বৰ্তমানেও চিকিৎসাধীন হৈ থকাৰ বিপৰীতে কৰোনাত মুঠ মৃত্যু হোৱাৰ লোকৰ সংখ্যা হৈছে ২,০৪,৮৩২ গৰাকী।
উল্লেখ্য যে মন্ত্ৰণালয়ৰ তথ্য অনুসৰি যোৱা ২৪ ঘণ্টাত আইচিএইআৰে সমগ্ৰ দেশত ১৭,৬৮,১৯০ গৰাকী লোকৰ কোভিড টেষ্ট কৰিছিল।
