চিকিৎসাধীন হৈ থকাৰ পৰাই পলায়ন কৰিছে ২৩ গৰাকীকৈ কোভিড আক্ৰান্ত ৰোগী।
এই ভয়ংকৰ ঘটনাটো সংঘটিত হৈছে দিল্লীৰ হিন্দু ৰাও চিকিৎসালয়ত।
দিল্লীৰ মেয়ৰ জয় প্ৰকাশে প্ৰকাশ কৰা অনুসৰি চিকিৎসালয়খনত চিকিৎসাধীন হৈ থকা কোভিড ৰোগীসকলে চিকিৎসালয়ৰ কৰ্তৃপক্ষকক অৱগত নকৰাকৈ পলায়ন কৰিছে।
মেয়ৰ গৰাকীয়ে প্ৰকাশ কৰা অনুসৰি দিল্লীৰ চৰকাৰী চিকিৎসালয়খনত এই ঘটনা ঘটিছে যোৱা ১৯ এপ্ৰিলৰ পৰা ৬ মে’ৰ ভিতৰত।
উল্লেখ্য দক্ষিণ দিল্লী মিউনিচিপাল ক’ৰপৰেশ্যনৰ অন্তৰ্গত সৰ্ববৃহৎ চৰকাৰী চিকিৎসালয়খনত ২৫০ গকাৰী কোভিড ৰোগীক চিকিৎসা সেৱাৰ বিচনা সাজু কৰা হৈছিল। চিকিৎসালয়খনৰ ২৫০ খন কোভিড বিচনা ইতিমধ্যে ভৰ্তি হৈছে আৰু ইয়াৰ মাজৰ পৰাই পলায়ন কৰিছে উক্ত ৰোগীসকল।
“২৩ গৰাকী কোভিড ৰোগীয়ে চিকিৎসালয়ৰ কৰ্তৃপক্ষক অৱগত নকৰাকৈ যোৱা ১৯ এপ্ৰিলৰ পৰা ৬ মে’ৰ ভিতৰত ইয়াৰ পৰা গুচি গৈছে। তেওঁলোকে অন্য চিকিৎসালয়ত উন্নত চিকিৎসাৰ সুবিধা লাভ কৰাৰ আশাত এইদৰে পলায়ন কৰিছে। দিল্লীৰ আন আন চৰকাৰী চিকিৎসালয়তো এই ঘটনা ঘটিছ।” মেয়ৰ প্ৰকাশে সংবাদ মাধ্যমৰ আগত এইদৰে কয়।
এই বিষয়ে ইতিমধ্যে দিল্লী আৰক্ষীক অৱগত কৰা হৈছে বুলিও জনাইছে মেয়ৰ প্ৰকাশে।
