লকডাউনে ক্ষতি কৰা লোকসকললৈ বাৰশ কোটি টকাৰ ক্ষতিপূৰণৰ পেকেজ ঘোষণা, ক’ত?

কৰ্ণাটকৰ মুখ্যমন্ত্ৰী বি এছ য়েডুয়ুৰাপ্পাই বুধবাৰে ঘোষণা কৰিছে যে ক’ভিড-১৯ৰ দ্বিতীয় ঢৌৰ লকডাউনে যিসকল লোকৰ জীৱিকাত প্ৰভাৱ পেলাইছে, তেওঁলোকৰ বাবে ক্ষতিপূৰণ হিচাপে ৰাজ্যখনৰ চৰকাৰে ১,২৫০ কোটি টকাৰো অধিক এটা পেকেজৰ ব্যৱস্থা লৈছে।

ৰাজ্যখনৰ  লাইচেন্স থকা গাড়ীচালক, শ্ৰমিক, পথৰ বেপাৰী কৃষকৰ উপৰিও নাপিত, ধুবি, সোণাৰী, মেকানিক, ঘৰুৱা কৰ্মী ইত্যাদি অসংগঠিত খণ্ডৰ লোকসকলে এই ক্ষতিপূৰণ লাভ কৰিব বুলি মুখ্যমন্ত্ৰীজনে কয়।

To provide relief to people who have lost income and livelihood due to the 2nd wave of Covid-19, Rs. 1250 Crores of economic support has been sanctioned to farmers, workers from unorganised sector, auto & cab drivers, street vendors among others. pic.twitter.com/zcsaFjNgW4

— B.S. Yediyurappa (@BSYBJP) May 19, 2021

বাংগালোৰত সাংবাদিকৰ স’তে মুখামুখি হৈ তেওঁ কয় যে চৰকাৰে আৰ্থিক দুৰৱস্থাৰ সন্মুখিন হৈও এই পেকেজৰ ব্যৱস্থা লৈছে।

ইয়াৰ দ্বাৰা চৰকাৰে সাধাৰণ জনতাৰ কাষত থিয় হৈছে বুলিও তেওঁ জনায়।

উল্লেখযোগ্য যে কৰ্ণাটকত বৰ্তমান ২৪ মে’লৈকে লকডাউন চলি আছে।